ତୁମେ ଆସିବ ବୋଲି
ଆଜି ଆକାଶରେ
ମେଘର ଚିହ୍ନ ବର୍ଣ୍ଣ ନାହିଁ
ଜହ୍ନର କଳଙ୍କ ବି
ଆଜି ଯାଇଛି ଉଭେଇ
ଗୋଲାପ ବି ତୁମ ପାଇଁ
ହୋଇଛି ସଜେଇ !
ତୁମେ ଆସିବ ବୋଲି
କେତେକଥା ଭାବେ
ତୁମକୁ ମୁଁ ନେଇ
ନିଦ ମୋ ଆଖି କୁ
ଟିକେ ବୋଲି ନାହିଁ
ମନରେ ମୋ ଝଡ଼ ଉଠେ
ଖାସ ତୁମ ବାଟ ଚାହିଁ !
ତୁମେ ଆସିବ ବୋଲି
ସାଗରରେ ଆଜି
ଜୁଆର ବି ନାହିଁ
କଇଁ ହସେ
ତା'ର ଜହ୍ନ କୁ ଚାହିଁ
ନଈ ବି ଭାଗ ହୋଇଯାଏ
ତୁମ ବାଟ ପାଇଁ !
ତୁମେ ଆସିବ ବୋଲି
ଲେଖେ କେତେ ମୁଁ କବିତା
କେବଳ ତୁମରି ପାଇଁ
ତୁମର ସେ ଦୁଇ ଆଖି
ମୋତେ ନେଇଛି ଚୋରାଇ
ଆସିଲେ କହିଦେବି
ତୁମେ କେବଳ ମୋ ପାଇଁ
କେବଳ ମୋ ପାଇଁ !
ତୁଣ୍ଡପଡ଼ା, କେଦାରପୁର
ସୋରୋ, ବାଲେଶ୍ୱର
ମୋ - ୭୯୭୮୨୫୬୩୮୬
VOL.IX, ISSUE.IX, SEPTEMBER-2025
Published By Banamallira Mahak
