ବିଜ୍ଞାନର ଦ୍ରୁତ ପ୍ରଗତିରେ ସାହିତ୍ୟ ଓ ସଂସ୍କୃତିର ଆଦର ଅଭ୍ୟର୍ଥନା, ଓଡିଆ ସାହିତ୍ୟ ଓ ସଂସ୍କୃତି କ୍ଷେତ୍ରରେ ବୈଜ୍ଞାନିକ ବିକାଶ ସହ ପାଦ ମିଳାଇ ଚାଲୁଥିବା ଏକ ଯୁଗୋପଯୋଗୀ ପ୍ରୟାସ ହେଉଛି ବଣମଲ୍ଲୀର-ମହକ । ଏହା ସ୍ଵତନ୍ତ୍ର ୱେବ ଡୋମିନ www.banamalli.org ମାଧ୍ୟମରେ ଇଣ୍ଟରନେଟ ଦ୍ଵାରା ସମଗ୍ର ବିଶ୍ଵ ନିକଟରେ ଉପଲବ୍ଧ । ବିନା କାଗଜପତ୍ରରେ ଓଡିଆ ସାହିତ୍ୟ ଓ ସଂସ୍କୃତିର ବାର୍ତ୍ତା ବହନ କରି ଆସୁଥିବା ଏକ ଇ-ସାହିତ୍ୟ ସଂଗଠନ ରୂପେ ନିଜର କାୟା ବିସ୍ତାର କରିଅଛି । ଭିନ୍ନ ଭିନ୍ନ ଡିଜିଟାଲ ସଂକଳନ (ଇ-ପତ୍ରିକା ଏବଂ ଇ-ବୁକ) ପ୍ରସ୍ତୁତ କରି ଅସଂଖ୍ୟ ବଣମଲ୍ଲୀ ମାନଙ୍କ ସାରସ୍ଵତ ଉତ୍କର୍ଷତାକୁ ଜନମାନସରେ ପ୍ରତିପାଦିତ କରିବାରେ ସକ୍ରିୟ ଭୂମିକା ଗ୍ରହଣ କରିବା ସହିତ ଏହାର ଇ-ପୋର୍ଟାଲ ମାଧ୍ୟମରେ ଅସଂଖ୍ୟ କ୍ଷୁଦ୍ରଗଳ୍ପ, କବିତା, ପ୍ରବନ୍ଧ, ଭ୍ରମଣ କାହାଣୀ, ଶିଶୁ ସାହିତ୍ୟ ଓ ବ୍ୟଙ୍ଗ ସାହିତ୍ୟ ଆଦି ଲେଖା ଗୁଡିକୁ ଉପସ୍ଥାପିତ କରି ବେଶ ଜନାଦୃତ ହୋଇ ପାରିଛି ।
ସମସ୍ତ ଡିଜିଟାଲ ସଂକଳନ ଗୁଡିକ ବଣମଲ୍ଲୀର ମହକ World Wide Web ଡୋମିନ ମାଧ୍ୟମରେ ଏହାର ଇ-ସଂଗ୍ରହାଳୟରେ ଉପଲବ୍ଧ ହୋଇଥାଏ । ଓଡିଆ ଭାଷା-ସାହିତ୍ୟ କ୍ଷେତ୍ରରେ ଲେଖନୀ ଚାଳନା କରିଆସୁଥିବା ସମସ୍ତ ଲେଖକ ଲେଖିକା ମାନଙ୍କ ସାହିତ୍ୟ କୃତି ଗୁଡିକୁ ଏହାର ଇ-ପୋର୍ଟାଲ ଓ ଡିଜିଟାଲ ପତ୍ରିକାରେ ସ୍ଥାନିତ କରିବା ନିମନ୍ତେ ନିମ୍ନୋକ୍ତ ନୀତି ନିୟମ ଗୁଡିକୁ ଅନୁସରଣ କରିବାକୁ ପଡିଥାଏ ।

ଇଣ୍ଟରନେଟ ମାଧ୍ୟମରେ ବଣମଲ୍ଲୀର ମହକ ଇ-ପୋର୍ଟାଲରେ ପ୍ରତିଦିନ ବିଭିନ୍ନ ଲେଖକ ଲେଖିକା ମାନଙ୍କ ଦ୍ଵାରା ଅନଲାଇନ ସମ୍ପାଦିତ ଲେଖା ଗୁଡିକ ବଣମଲ୍ଲୀର ମହକ ୱେବ-ପୋର୍ଟାଲରେ ସମ୍ପାଦିତ କରିବାର ୨୪ ଘଣ୍ଟାରୁ ଦଶଦିନ ମଧ୍ୟରେ ପ୍ରକାଶିତ ହୋଇଥାଏ । ଯେକୌଣସି ଲେଖକ ଲେଖିକା ଯେକୌଣସି ମୂହୁର୍ତ୍ତରେ ପୃଥିବୀର ଯେକୌଣସି ସ୍ଥାନରେ ଥାଇ ନିଜ ମୋବାଇଲ ଫୋନ, ଟାବଲେଟ, ଲାପଟପ ଓ ଡେସ୍କଟପ ମାଧ୍ୟମରେ ଏହାର ଇ-ପୋର୍ଟାଲରେ ନିଜ ଲେଖା ପୋଷ୍ଟ କରିପାରିବେ । ଏହାର ୱେବସାଇଟରେ ଲେଖା ପୋଷ୍ଟ କରିବା ନିମନ୍ତେ ଦୁଇଗୋଟି ପଦ୍ଧତ୍ତି ଉପଲବ୍ଧ ରହିଛି । ୱେବସାଇଟରେ ଉପଲବ୍ଧ ଥିବା WRITE ବୋତାମକୁ କ୍ଲିକ କରି ଉପଲବ୍ଧ ୱେବଫର୍ମ ଦ୍ଵାରା ନିଜର ଲେଖା ପୋଷ୍ଟ କରିପାରିବେ । କିମ୍ବା ଇ-ମେଲ ମାଧ୍ୟମରେ ପୋଷ୍ଟ କରିବା ନିମନ୍ତେ ନିଜ ଲେଖାଟିକୁ ଇ-ପୋର୍ଟାଲ ପୋଷ୍ଟ ଇ-ମେଲ ଠିକଣା - post@banamalli.org କୁ ପଠାଇ ଦିଅନ୍ତୁ ।

ବଣମଲ୍ଲୀର ମହକ ୱେବସାଇଟ ମାଧ୍ୟମରେ ଦୈନିକ ବିଭିନ୍ନ ଲେଖକ ଲେଖିକାଙ୍କ ଦ୍ଵାରା ପ୍ରକାଶିତ ଲେଖା ଗୁଡିକ ମଧ୍ୟରୁ ଏହାର ଡିଜିଟାଲ ପତ୍ରିକା ନିମନ୍ତେ ଉତ୍କୃଷ୍ଟ ଓ ନିର୍ଭୁଲ ଲେଖାଗୁଡିକୁ ଚୟନ କରାଯାଇଥାଏ । ବଣମଲ୍ଲୀର-ମହକରେ ସାହିତ୍ୟର ବିଭିନ୍ନ ବିଭାଗ ରହି ଥିବାରୁ ଏହାର ଇ-ପତ୍ରିକାର କୌଣସି ସଂଖ୍ୟାର ଗୋଟିଏ ନିର୍ଦ୍ଧିଷ୍ଟ ବିଭାଗରେ ଜଣେ ଲେଖକ କିମ୍ବା ଲେଖିକାଙ୍କର ଏକାଧିକ ଲେଖା ପ୍ରକାଶିତ କରିବାର ନିୟମ ନାହିଁ । ପ୍ରତ୍ୟେକ ବିଭାଗ ନିମନ୍ତେ ଜଣେ ଲେଖକଙ୍କ ପ୍ରତି ଗୋଟିଏ ଲେଖାଏଁ ଲେଖା ଚୟନ କରାଯାଇଥାଏ ।

ପୂର୍ବ ପ୍ରକାଶିତ କୌଣସି ପତ୍ର-ପତ୍ରିକାରେ ସ୍ଥାନିତ ହୋଇଥିବା ଲେଖା ଗୁଡିକ ଯଦି କୌଣସି ଲେଖକ ଲେଖିକା ଏହି ଇ-ପତ୍ରିକାରେ ପୁନଃ ପ୍ରକାଶନ ନିମନ୍ତେ ପଠାଉଥାନ୍ତି, ତେବେ ପୂର୍ବ ପ୍ରକାଶିତ ପତ୍ର-ପତ୍ରିକାର ବିବରଣୀ ପ୍ରଦାନ କରନ୍ତୁ । ପ୍ରକାଶ ଥାଉକି, କୌଣସି ପତ୍ର ପତ୍ରିକାରେ ଆଗରୁ ପ୍ରକାଶିତ ହୋଇନଥିବା ଲେଖା ଗୁଡିକୁ ବଣମଲ୍ଲୀର ମହକ ସମ୍ପାଦନା ମଣ୍ଡଳୀ ଅଧିକ ପ୍ରାଧାନ୍ୟ ଦେଇଥାଆନ୍ତି ।

ବଣମଲ୍ଲୀର ମହକ ୱେବ-ପୋର୍ଟାଲ ମାଧ୍ୟମରେ ଆପଣଙ୍କ ଦ୍ଵାରା ପୋଷ୍ଟ ଦେଉଥିବା ଲେଖା ଗୁଡିକୁ ୱେବସାଇଟରେ ଦଶଦିନ ମଧ୍ୟରେ ପ୍ରକାଶିତ ହୋଇଥାଏ । ନୂତନ ଲେଖକ ଲେଖିକା ମାନଙ୍କୁ ସାହିତ୍ୟ କ୍ଷେତ୍ରରେ ପ୍ରୋତ୍ସ।ହିତ କରିବା ସହ ସେମାନଙ୍କ ଆଗ୍ରହକୁ ଦ୍ଵି-ଗୁଣିତ କରିବାପାଇଁ ଇ-ପୋର୍ଟାଲ ମାଧ୍ୟମରେ ଆସୁଥିବା ଦୈନିକ ଲେଖା ଗୁଡିକର ଯାଞ୍ଚ ପ୍ରକ୍ରିୟାକୁ ବିଶେଷ କଠିନ କରାଯାଇ ନଥାଏ । ଏହା ୨୪/୭ ହିସାବରେ ପ୍ରକାଶିତ ହୁଏ । ପ୍ରକାଶ ଥାଉକି, ଡିଜିଟାଲ ପତ୍ରିକା (ପ୍ରସ୍ତୁତ ପି.ଡି.ଏଫ. ଇ-ପତ୍ରିକା) କୁ ଲେଖା ଚୟନ ବେଳେ ସମ୍ପାଦକ ମଣ୍ଡଳୀ ଉତ୍କୃଷ୍ଟ ଓ ନିର୍ଭୁଲ ଲେଖା ଗୁଡିକୁ ଅଧିକ ଗୁରୁତ୍ଵ ଦେଇଥାନ୍ତି । ପଠାଉଥିବା ଲେଖାଗୁଡିକ ଯେକୌଣସି ଓଡିଆ ଲିପି ସଫ୍ଟୱେର ଦ୍ଵାରା ଟାଇପ ହୋଇଥିବା ଆବଶ୍ୟକ । କୌଣସି ଲେଖାର ଫଟୋକପି, ଇମେଜ କିମ୍ବା ପଡିଏଫ ଫର୍ମାଟ ଗ୍ରହଣୀୟ ନୁହେଁ ।

ସର୍ବଦା ଶୁଦ୍ଧ ଓ ସଠିକ ବନାନ ପ୍ରତି ଦୃଷ୍ଟିଦେବା ପ୍ରତ୍ୟେକ ଲେଖକ ଲେଖିକାଙ୍କ କର୍ତ୍ତବ୍ୟ ଅଟେ । ସଂଖ୍ୟାଧିକ ଲେଖା ଆମନିକଟରେ ପହଞ୍ଚୁଥିବାରୁ ଏହାର ବନାନଗତ ଅଶୁଦ୍ଧିକୁ ସୁଧାରିବା ଆମପାଇଁ ଅସମ୍ଭବ ହୋଇପଡୁଛି । ସର୍ବଦା ଏହି ଦିଗପ୍ରତି ଲେଖକ ଲେଖିକା ମାନେ ସଚେତନ ହେବା ନିମନ୍ତେ ଅନୁରୋଧ । କୌଣସି ଲେଖାର ବନାନଗତ ତୃଟି ନିମନ୍ତେ ବଣମଲ୍ଲୀର ମହକ ଦାୟୀ ହୋଇନଥାଏ ।

ଆପଣଙ୍କ ଅବଗତି ନିମନ୍ତେ ଜଣାଉଆଛୁକି, ଏହା ସଂପୂର୍ଣ୍ଣ ନିଃଶୁଳ୍କ କାର୍ଯ୍ୟକ୍ରମ ଅଟେ, ଏଥିପାଇଁ ଲେଖକ ଲେଖକ। ମାନଙ୍କୁ କୌଣସି ଆର୍ଥିକ ମୂଲ୍ୟ ପ୍ରଦାନ କରାଯାଏ ନାହିଁ କି ଗ୍ରହଣ କରାଯାଏ ନାହିଁ । ଏହାଛଡା, ଯଦି କୌଣସି ଲେଖାରେ କିଛି ଆଇନଗତ ସମସ୍ୟା ସୃଷ୍ଟି ହୁଏ, ସେଥିପାଇଁ ସମ୍ପୃକ୍ତ ଲେଖକ ଲେଖିକା ହିଁ ଦାୟୀ ରହିବେ । ବଣମଲ୍ଲୀର ମହକ ସଂଗଠନ କିମ୍ବା ଏହାର କୌଣସି କର୍ମକର୍ତ୍ତା ଏଥି ନିମନ୍ତେ ଦାୟୀ ନୁହଁନ୍ତି । କୌଣସି ଲେଖା ପ୍ରକାଶ କରିବା ଓ ନକରିବା ହେଉଛି ବଣମଲ୍ଲୀର ମହକ ସମ୍ପାଦନା ମଣ୍ଡଳୀଙ୍କ ଇଚ୍ଛାଧୀନ କାରବାର ।


BANAMALLIRA MAHAK has been verified in terms of the provision to Section 6 of the PRB ACT 1867. The RNI code ODIODI07894 in favour of BANAMALLIRA MAHAK has been issued by Ministry of Information Science and Broadcasting (Government of India) The publication through BANAMALLIRA MAHAK should primarily contain news/views/articles etc. in Odia language.