ପ୍ରଣୟ ଅନୁଚିନ୍ତା - ଭଜରାମ ସେଠୀ

ପ୍ରଣୟ ଅନୁଚିନ୍ତା - ଭଜରାମ ସେଠୀ

ପ୍ରଣୟ ଅନୁଚିନ୍ତା 
*********************************

ଆସରେ ମୋ ବିମ୍ବାଧରୀ
                 ରତନୀ ମୋ ପ୍ରୀତିବର 
ବର ବରନା ହେମାଙ୍ଗୀ 
             ଏ ଦୀନଜନକୁ ବର  ।
ରସରେ ରସାମଣ୍ଡନା 
               ମନେ ନୋହି ଆନମନା 
ତୋ ବିନୁ କନକ ଗୋରୀ 
              ଜୀବନ ଯମଜାତନା ।
ଦେଖେ ଯେବେ ହେମଦେହୀ 
             ଧୈର୍ଯ ତୁଟି ଯାଏ ସହୀ,
ଚିତ୍ତ ବିନୋଦିତ ପାଇଁ 
              ମଧୁଜାରେ ପଦ ନାହିଁ ।
ସମ କିବା ହେବି ଗୋରୀ 
               ପ୍ରୀତି ଦେହେ ଯିବି ଘୋରି,
ଶ୍ରୀ କର ଭୃଜଙ୍ଗେ ଧରି 
                ଫାଶ ଦେଇ ଯିବୁ ଘୂରି ।
ଗଣ୍ଡସ୍ଥଳେ ଦେବୁ ହେଳେ 
          ଚୋରା  ଚୁମ୍ବନ ସେ କାଳେ 
କାମ ଅଗ୍ନି ଅଶୁ ତଳେ 
              ତୃଷା ନାସ ତୁ ଯୁଗଳେ ।
ରୀତି ନୀତି ଥାଇ ନିତି 
           ପ୍ରୀତି ରତି କର ସାଥୀ 
ନୋହୁଁ ନିନ୍ଦା ଅପକୀର୍ତ୍ତି
            ବିଭୂଷଣେ ଥାଇ ସତୀ  ।
ରସନାରେ ରସ ଢାଳି 
              ରସଅଙ୍ଗୁ ଦେବୁ ବୋଳି ,
ଅଧର ଅଧରେ ମେଳି 
                ତୃପ୍ତ ବାଣେ  ଯିବା ଜଳି ।
ଏହି ମାତ୍ର ଅଭିଳାଷ 
                ହେମତନୁରେ ବିଳାସ 
ଭଜରାମ ଦୁଃଖ ନାସ 
               ଜନ୍ମେ ଜନ୍ମେ ହେବି ଦାସ ।
***********************************
ଭଜରାମ ସେଠୀ, ନିରାଳ, ଗଂଜାମ
9566876504

0 Comments