ପ୍ରଥା ପରମ୍ପରା ବିଧିର ସାହାରା 
ରୀତିନୀତି ପ୍ରିତୀ ଛବି ,
ଦୁଇଟି ଆତ୍ମାର ଅପୂର୍ବ ମିଳନ
ହସେ ଅଂଶୁମାନ ରବି ! !

ବିବାହ ବନ୍ଧନ ହୃଦୟ ଚନ୍ଦନ
ମିଳନର ମହାପର୍ବ ,
ଆତ୍ମାର ସଂଯୋଗ ପ୍ରାପ୍ୟହୁଏ ଭୋଗ
ନିଆରା ସମ୍ପର୍କ ଭାବ ! !

ଅଜଣା ଅଚିହ୍ନା ଦୁଇଟି ଠିକଣା
ହୋଇଯାଏ ଯେବେଯୋଡି ,
ବିବାହ ବେଦୀରେ ପ୍ରିତୀଫୁଲ ଫୁଟେ
ଖୋଲେତ ପ୍ରେମର ପେଡ଼ି ! !

ସର୍ବ ସମର୍ପଣେ ନବବଧୂ ଭାସେ
ସ୍ନେଁହ ଶ୍ରଦ୍ଧା ଭକ୍ତି ଦାନେ ,
ପ୍ରେମରେ ସରାଗ ମହଲେ ବିଶ୍ଵାସ
ଆଚରଇ ମନେ ମନେ ! !

ଆଞ୍ଜୁଳି ପ୍ରସ୍ଵସ୍ତି ସମର୍ପଣେ ପ୍ରିତୀ
ପତିଧର୍ମେ ଅନୁରାଗୀ ,
କୁଳର ଗରିମା ପ୍ରୀତିର ଚନ୍ଦ୍ରମା
ସୁଖ ଦୁଃଖେ ହୁଏ ଭାଗି ! !

ସାତ ଜନମର ଏ'ବନ୍ଧନଡୋର
ଅତୁଟ ରୁହଇ ସଦା ,
କେତେଝଡଆସେ କେତେଝଡଯାଏ
ହସିହସି କରେ ସମ୍ନା ! !

ନିରିମାଖୀ ଫୁଲ ହୁଏ ସଦାଗେଲ
ପ୍ରୀତି ସୁହାଗିନି ରାଣୀ ,
ଦେହ ଯୌବନ ସମର୍ପଣେ ମନ
ସ୍ଵାମୀରସେ' ଅର୍ଦ୍ଧାଙ୍ଗିନୀ ! !

ଆଞ୍ଜୁଳି ଚାଉଳ କରେସେ' ଉତ୍ସର୍ଗ
କୋମଳ ହସ୍ତ ପରଶେ ,
ଆଶାଆକାଂକ୍ଷାରେ ମନେବସା ବାନ୍ଧେ
ପ୍ରେମର ମଧୁର ସ୍ପର୍ଶେ ! !
 
Writer's Details: sadananda sahoo , dhurusia , athagarh , cuttack
Content Category:
Submission Date: Jun 01, 2019