OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ନିସ୍ତବ୍ଧ ରାତି - ରମାକାନ୍ତ ବେହେରା

ନିସ୍ତବ୍ଧ ରାତି - ରମାକାନ୍ତ ବେହେରା


ନିସ୍ତବ୍ଧ ରାତିର ପ୍ରହରେ
          ତୁମେ, ଚାଲିଗଲ ପ୍ରିୟା ଛାତିରେ ,

ବୁଝିଗଲ ଟିକେ ଦୁଃଖ ହୃଦୟର
                   ଆସିଥିଲ ତୁମେ ରାତିରେ            ||

ନିଶା ଅନ୍ଧାରରେ ନଦେଖି ତୋ ମୁଁହ
                    ବାସ୍ନା ରୁ ବାରିଲି ତୁହିରେ ,

ଆସିଥିଲ ତୁମେ ନିଁଝୁମ ରାତିର
                       ନିସ୍ତବ୍ଧ ରାତିର ପ୍ରହରେ           ||

ଗାଉଥିଲ ତୁମେ ଗୁଣ ଗୁଣ ହୋଇ
                      କଣ ଯେ କା ସ୍ମୃତି ରେ ,

ବୁଝିପାରିଥିଲି ତୁମ ସ୍ୱର ପେନ୍ଥା
               ତୁମେ,କାହାକୁ ଖୋଜୁଛ ସାଥିରେ       ||

ଋଣ ଝୁଣ ତୁମ ପାଉଁଚି ର ଶବ୍ଦ
                     ମୋ ପ୍ରଶ୍ନର ଉତ୍ତର ଦିଏରେ ,

ପଚାରୁନି ଯଦି, କେମିତି ଅଛୁତୁ
                ତୋ ରାଜହଂସି ଚାଲି କହେରେ        ||

ଦେଖି ମୁଁ ନଥିଲି ତୋ ପଦ୍ମ ବଦନ
                      ନା ହେଇଥିଲି ପଦେ କଥା ,

ପାଶେ ପାଇଁ ତୋତେ ଚୁମି ଥିଲି କେତେ
                           ଅନ୍ଧାରରେ ତୁମ ମଥା         ||

ତୋ ଦେହ ଗରମ ପାଇଁ ମୋର ମନ
                            ବଢିଗଲା ତାର ତାତି ,

ନିସ୍ତବ୍ଧ ରାତିର ଅନ୍ଧାର ଭିତରେ
                        ମୋ ମନ ପାଇଲା ଶାନ୍ତି         ||

ଓ଼ଷ୍ଠ ମାନଚିତ୍ର ଆଙ୍କିଥିଲି କେତେ
             ତୁମ ଗୋଲାପୀ କାଗଜ ଦେହରେ,

ଦେଇଥିଲ ତୁମେ ପ୍ରତି ବଦଳରେ
                  ତୁମ ଅଧରର ସ୍ମିତ ହାସ୍ୟରେ         ||

ସେହିଦିନ ରାତି ଥରିଥିଲା ଛାତି
             ଯେବେ ଥିଲ ତୁମେ ମୋ ସାଥିରେ ,

ଲାଜ ତୁମେ ଭୁଲି ଆସିଥିଲ ଚାଲି
                  ସେହି ନିସ୍ତବ୍ଧ ପ୍ରହର ରାତିରେ        ||

ରମାକାନ୍ତ ବେହେରା
ନରସିଂହପୁର, କାନପୁର, କଟକ, ପିନ- ୭୫୪୦୩୭
ଫୋନ - ୮୯୧୭୪୭୩୪୭୭

0 Comments