OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ନିଶ୍ଚୟ ଆସିବେ ସିଏ - ବି. ନିରୁପମା

ନିଶ୍ଚୟ ଆସିବେ ସିଏ - ବି. ନିରୁପମା



କାଉ ରାବୁଥିଲା ଅଗଣାରେ ଆଜି
ନିଶ୍ଚୟ ଆସିବେ ସିଏ ,
ଗଲା ଫଗୁଣରୁ ଏଇ ମନଟିକୁ
ଚୋରେଇ ଅଛନ୍ତି ଯିଏ ।

ସହରରେ ରହି ଉଚ୍ଚଶିକ୍ଷା ଲାଭ
କରନ୍ତି ଗାଆଁରୁ ଯାଇ ,
ଲେଖା-ଯୋଖା ସମ୍ପର୍କରେ ହେବେ ସିଏ
ସୁଷମା ନାନୀର ଭାଇ ।

ଦୋଳଯାତ ଆଉ ଦଶହରା ବେଳେ
ନାଟକରେ ସିଏ ଥିଲେ ,
ଭଲ ଅଭିନୟ କରିଛନ୍ତି ବୋଲି
ଲୋକମାନେ ମତ ଦେଲେ ।

ସୁଷମା ନାନୀଠୁ ପାଠ ବୁଝିବାକୁ
ଯାଇଥିଲି ଖରାବେଳେ ,
ଦେଖା ହୋଇଥିଲା ତାଙ୍କସହ ସେଠି
ବସିଥିଲେ ପଙ୍ଖା ତଳେ ।

କଥା ଛଳେ ମୋତେ ପଚାରି ବୁଝିଲେ
ମୋ ପାଖରୁ ସବୁ ତଥ୍ୟ ,
ସୁଯୋଗ ଉଣ୍ଡି ସେ ପରେ ପଚାରିଲେ
' ତୁ ହେବୁ କି ମନ ମିତ ! 

ଆସନ୍ତା ବରଷ ଦୋଳଯାତ ପରେ
ହେବ ମୋର ବାହାଘର ,
ସୁଷମାଠୁ ସବୁ ଖବର ବୁଝିକି
ମତାମତ ଦେବୁ ତୋର ।'

ନାହିଁ କହିବାକୁ କାରଣ ନ ଥିଲା
ଲାଜରେ ପୋତିଲି ମୁହଁ ,
କହିଲି-ମୁଁ ରାଜି,ଆଉ କେବେ ଦେଖା
ହେବ ତୁମସହ କୁହ !

ଏଇ ତିଥିକୁ ସେ କଣ୍ଟ ଦେଇଥିଲେ
ଖବର ଅଛନ୍ତି କରି ,
ସେଇଥିପାଇଁକି ସଜ ହୋଇ ମୁହିଁ
ଖୁସିରେ ବୁଲୁଛି ଘୂରି ।

ମାମୁରିଆ, ଛେଣ୍ଡିପଦା, ଅନୁଗୋଳ ।

0 Comments