OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

କଥା ସତ୍ୟ ଯୁଗର - ପ୍ରଫୁଲ୍ଲ ଚନ୍ଦ୍ର ମିଶ୍ର

କଥା ସତ୍ୟ ଯୁଗର - ପ୍ରଫୁଲ୍ଲ ଚନ୍ଦ୍ର ମିଶ୍ର

ଯୁଗପରେ ଯୁଗକଥା ପୁରାଣେ ବର୍ଣ୍ଣିତ 
ତହିଁ ରେ ରହିଛି ଏକ କଥା ଅଦଭୁତ   ।।
ସତ୍ୟଯୁଗର କାହାଣୀ ବିସ୍ମୟ ସେ କଥା
ମୀନରୂପୀ ନାରାୟଣ , ସତ୍ୟବ୍ରତ ରାଜା   ।।
        ପ୍ରଳୟ ପୁର୍ବରୁ ଦୈତ୍ୟ ନାମ ସଂଖାସୁର
        ବେଦ ଚୋରିକରି ଜଳେ ପସିଲା ଅସୁର   ।।
          ବେଦ ଲୁପ୍ତେ ଜ୍ଞାନଗଙ୍ଗା ଗଲା ଅପସରି
          ଅଜ୍ଞାନମୟ ଧରଣୀ ହେଲା ହତଶୀରି   ।।
ବ୍ରହ୍ମ ଦେବ ସ୍ତୁତି ଶୁଣି ବୈକୁଣ୍ଠାଧିପତି
ମୀନରୂପେ ଜଳ ମଧ୍ୟେ ହୋଇଲେ ଉତ୍ପତ୍ତି   ।।
ସତ୍ୟବ୍ରତ ନରପତି ତର୍ପଣ କାଳରେ
ଉଭା ହେଲେ ଆସି କର ଅଞ୍ଜଳୀ ଜଳରେ   ।।
         ତର୍ପଣ ଜଳରେ ମୀନ ଦେଖି ନରରାଣ
        ହୋଇ, ଚିନ୍ତାଶିଳେ ଇଷ୍ଟ କଲେକ ସ୍ମରଣ  ।।
       ଗୁରୁ ଗମ୍ଭୀର ସ୍ୱର ରେ ମୀନ କହେ ଶୁଣ
       ଧର୍ମରକ୍ଷା ଅର୍ଥେ ମୋର ଏ ରୂପ ଭୀଷଣ ।।
ସପତ ଋଷି ସହିତ ଔଷଧୀୟ ବୀଜ
ସହ ଉପଗତ ହୁଅ ଅଛି ଯେଉଁ ନାବ  ।।
ମୋତେ ନେଇ ମହା ସମୁଦ୍ର ରେ ରଖିଆସ
ମୋ ମଥା ଶୃଙ୍ଗରେ ନାବ ବାନ୍ଧିବୁ ଅବଶ୍ୟ  ।।
        ଜଳମଗ୍ନ ହେବ ଧରା  ହୋଇବ ପ୍ରଳୟ
        ପାପଭାରା ଅସମ୍ଭାଳ ଜ୍ଞାନ ଅପଚୟ  ।।
        ପ୍ରଳୟ ପରେ ଦାନବ ମେଦରେ ମେଦିନୀ
        ନବିନ ସୃଜନ ମୋର ମନେଥିବୁ ଘେନି  ।।
ଅବ୍ୟକ୍ତ ପୁରୁଷ ନିରଞ୍ଜନ ଖେଳକରେ
ଅନାଦି, ଅନନ୍ତ ନିତ୍ୟେ ସତ୍ୟରେ ବିହରେ   ।।
ଦାସାନୁଦାସ ପ୍ରଫୁଲ୍ଲ ତାପଦେ ଶରଣ
ଦୟାକର ଦୟାମୟ କରୁଛି ପ୍ରଣାମ  ।।

0 Comments