ଭିଜେଇ ଦେଇଯା ମୋତେ - ସଞ୍ଜୟ କୁମାର ପଣ୍ଡା

ଭିଜେଇ ଦେଇଯା ମୋତେ - ସଞ୍ଜୟ କୁମାର ପଣ୍ଡା

ପ୍ରିୟା ....
ତୁମ ଆଖିର ଚାହାଣୀରେ
ବୋହି ଆସୁଥିବା ଦଲକାଏ ଦକ୍ଷୀଣା ପବନ,
ସ୍ଥିର ହୋଇଯାଏ ମୋ ଆଖି ସହ ଧକ୍କା ହେଲାପରେ ।

ଗୁମ୍ ସୁମ୍ ମନଭିତରେ
ସୃଷ୍ଟି ହୁଏ ଅଦିନିଆ ବତାସିର ସମ୍ଭାର ।
ହୃଦୟ ଖୋଜେନି ଆବାହନ,
ସିଏତ ଦରଦୀ ମେଘ ଖଣ୍ଡେ
ସ୍ପର୍ଶ ମାତ୍ରେ ବରଷି ଯାଏ ସରମରେ ।

ନବବଧୂର ଓଡ଼ଣୀ ଭଳି
ଯେତେ ସଂଜତ ହୋଇରହିଲେ ବି
ବାରମ୍ବାର ଖସିବା ଥୟ,
ଭିଜିବା ଥୟ ।

ଭିଜିବାକୁ ବି ଭଲଲାଗେ
ତୁମ ଓଢ଼ଣୀ ଛିଟ ଛତା ତଳେ ।
ବ୍ୟାକୁଳତ ବାଇଆ ମନଟା
ମୁଠାଏ ଉଷୁମ ଆଶ୍ଳେଷ ପାଇଁ ।

ପ୍ରିୟା !
ମୟୁର ଭଳି ପୁଚ୍ଛ ଖୋଲି
ନାଚିବାକୁ ଚାହେଁ ତୁମପାଇଁ,
ପ୍ରେମର ରଙ୍ଗରେ ଅବା
ଟିପ୍ ଟିପ୍ ବର୍ଷାର ବିନ୍ଦୁରେ ।

ଭିଜେଇ ଦେଇଯା ମୋତେ,
ଭିଜେଇ ଦେଇଯା ।।

Writer's Details: Sanjay Kumar panda
Raktatirtha Iran, bhadrak
Content Category:
Submission Date: Jun 16, 2019

0 Comments