OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ସ୍ତନନ୍ଧୟ ତିନି - ହେମନ୍ତ କୁମାର ବରାଇ

ସ୍ତନନ୍ଧୟ ତିନି - ହେମନ୍ତ କୁମାର ବରାଇ

ଏକ ଅଦ୍ରି ଚୂଡା             ଛାୟା ରବି କର
        ସ୍ନେହ ପଡଇ ପ୍ରଥମେ
ସୌଭାଗ୍ୟଶାଳିନୀ        ସେ ବନ ଲଳନା
       ଦେଖୁଥାଇ ସେ ଆଶ୍ରମେ ||
ମହାଋଷି ଅତ୍ରି             ପତ୍ନୀ ଅନସୂୟା
         ସଙ୍ଗତରେ କରି ବାସ
ଜାତୀୟ ମମତା          ତା ସଙ୍ଗେ ସମତା
           ବିସ୍ତାରନ୍ତି ଯଶ-ବାସ ||
ଅନସୂୟା ନାମ୍ନୀ         ସେ ବରବର୍ଣ୍ଣିନୀ
            କମଳ ଲପନେ ଚାହିଁ
ଉପମା ଦେବାକୁ         ମୁଖ ମଣ୍ଡଳ କୁ
           ମୋହର ସାମର୍ଥ ନାହିଁ ||
ଚାହିଁ ସେ ସୁନ୍ଦରୀ         ସେ ବନ ସୁନ୍ଦରୀ
            ସୁଚାରୁ କୁସୁମ କରେ
ପଶୁପକ୍ଷୀ ନେତ୍ରେ         ସଘନେ ନିରେଖି
            ସସ୍ନେହେ ସ୍ୱାଗତ କରେ ||
କେବଳ ଉତ୍ତମ             ସ୍ୱଭାବ ସକଳ
            ସଉନ୍ଦର୍ଯ୍ୟ ମାନବର
ମୁଖ ଆକର୍ଷଣ              ନୟନେ ସୁନ୍ଦର
             ଚିତ୍ତ କୁ ସବୁ ବିକାର ||
ମାତୃ ହୃଦୟ ର            ବିମଳ ଚରିତ୍ରେ
             ଅନସୂୟା ବିଭୂଷିତ
ଚରାଚର ବିଶ୍ୱ-            ବିସୀ ଶିଶୁ ଭଳି
             ଯାହାଙ୍କ ହୃଦେ ସେବିତ ||
ଏକଦା କେତେକ          ମହର୍ଷି ତ୍ରିଦେବ
            ଦ୍ୱନ୍ଦେ କଲେ ଏକ ପ୍ରଶ୍ନ
ସତେ କି ଅତ୍ରିଙ୍କ            ଜାୟା ଅନସୂୟା
            ମାତୃ ହୃଦୟା ସମାନ ??
ତ୍ରିଦେବ ଜାଣନ୍ତି             ସତ ଏ ବଚନ
            ଅନସୂୟା ମା' ସମାନ
ତଥାପି ଋଷିଙ୍କ              ଜିଜ୍ଞାସା ସକାଶେ
           ଗଲେ ସନ୍ତୋଷ ବିଧାନ ||
ତିନି ଦେବ ଛଳ-            ବେଶରେ ଯୁବକ
           ରୂପେ ହେଲେ ଉପଗତ
ଅତ୍ରିଙ୍କ ଆଶ୍ରମ              ବାହାର ପ୍ରାଙ୍ଗଣେ
             ଯାଇ ହେଲେ ଉପସ୍ଥିତ ||
ଦେଖିଲେ ଅତିଥି           ଆସିଛନ୍ତି ହେଲେ
              ଅନସୂୟା ହେଲେ ପ୍ରୀତ
ପାଛୋଟି ନେଇଣ          ଅତିଥି ସତ୍କାର
               ବିଧାନ କଲେ ଘଟିତ ||
ବୋଇଲେ କି ସେବା       କରିବା ତୁମ୍ଭର
              ଯହିଁ ହେବେ ସୁପ୍ରସନ୍ନ
ଯଦିବା ସେବାରେ         ହେବ ମୋର ଭ୍ରମ
             କରିବ ତ୍ରୁଟି ମାର୍ଜନ ||
ବେଲନ୍ତି ତ୍ରିଦେବ           ଲୋଡା ନାହିଁ କିଛି
             ବିଶ୍ରାମ କୁ ଇଚ୍ଛାମନ
ମାତ୍ର ତୁମ୍ଭ କୋଳେ         କରିବୁ ବିଶ୍ରାମ
            ଆନେ ନାହିଁ ଆମ୍ଭ ମନ ||
ଅତିଥିଙ୍କ ବାଣୀ            ଅନସୂୟା ଶୁଣି
            ହେଲେ ସ୍ତବଧ ଚକିତ
ଚିନ୍ତିଲେ ସେ ପୁଣି          ଅତିଥିଙ୍କ ସେବା
            ନ କଲେ ହେବି ଘୃଣିତ ||
ଅତିଥି ସତ୍କାର              ପରମ କର୍ତ୍ତବ୍ୟ
            ନରେ ନର ସୁ-ସେବିତ
ଅତିଥି ସାକ୍ଷାତ            ସ୍ୱୟଂ ନାରାୟଣ
            ମାନବ ଦେହେ ପୂଜିତ ||
ମିତ୍ର ଅବା ଅରି            ଅବା ସାଧାରଣ 
            ଅଭ୍ୟାଗତ ହେଲେ ଆସି
ତେଜି ବୈରୀ ଭାବ       ବୋଲି ବିଷ୍ଣୁଦେବ
            ସେବିବ ତୋଷ ପ୍ରକାଶି ||
ମାତ୍ର ଯେ ଯୁବତୀ           କେମନ୍ତେ ପାରିବ
            ଅଭ୍ୟାଗତ ସେବା  ଛଳେ
ତିନି ଯୁବକଙ୍କୁ             ଆଦରି କେମନ୍ତେ
              ତୋଷିବ ବସାଇ କୋଳେ ||
ମାତ୍ର ବରାଙ୍ଗନା           ନୋହି ବିଚଳିତ
             ସ୍ନେହ ସବୁ କରି ଠୁଳ
 ଭୂମିପରେ ବସି            ନିଜ ଅନୁଭାବେ
          ପୁତ୍ର ସ୍ନେହେ ହେଲେ ଭୋଳ ||
ବୋଇଲେ ସମ୍ବୋଧି         ଆସ,ଶିଶୁ ଆସ
           ଆସି ମୋର କୋଳେ ବସ 
ମାତା ମମତାର               ପୀୟୂଷ କୁ ଦେଇ
            ପିଆଇବି ବକ୍ଷ ରସ ||
ପଲକ ମାତ୍ରକେ               ଯୁବକ ତିନିହେଁ
          ପାଲଟିଲେ  ସ୍ତନନ୍ଧୟ
କୋଳେ କୋଳ କରି          ଅତି ସ୍ନେହଭରେ
            ପାନ କରାଇଲେ ପୟ ||
ଏକେ ତ ଶିଶୁ ସେ            ନିଧନ ସଙ୍ଖାଳି
           ମାତା ହୃଦ ରତ୍ନ ହାରା
ମାତୃ ଜୀବନ ର              ନୟନ ପ୍ରତିମା
            ବାତ୍ସଲ୍ୟ ମମତା କାରା ||
ଅନସୂୟାଙ୍କର                 ଅଦ୍ଭୁତ ଶକତି
            ଦେଖି ବ୍ରହ୍ମା,ବିଷ୍ଣୁ,ଶିବ
ହୋଇ ସୁମୁଗଧ              କଲ୍ୟାଣୀଙ୍କୁ ବର
             ଯାଚିଲେ ସେ ତିନି ଦେବ ||
ବେଇଲେ ହେ ଦେବ!         ହୋଇ ସୁପ୍ରସନ୍ନ
              ଯଦି ଯାଚୁଅଛ ବର
କରୁଛି ମାଗୁଣି               ମୋର ମନ ଜାଣି
             ହୁଅ ତୁମ୍ଭେ ମୋ କୁମର ||
ବିଷ୍ଣୁଙ୍କ ବିଭୂତି              ଦତ୍ତାତ୍ରେୟ ରୂପେ
           ବ୍ରହ୍ମାଙ୍କ ବିଭୂତି ସୋମ
ଶିବଙ୍କ ବିଭୂତି               ଦୁର୍ବାସା ରୂପରେ
           ତାଙ୍କଠି ହେଲେ ଜନମ ||
ମାତାଙ୍କ ବାତ୍ସଲ୍ୟ              ମମତାର ଉତ୍ସ
            ସୁଧା ସମ ପ୍ରୀତିକର
ଜୀବନରେ ବାଞ୍ଛା              ମରଣରେ ସ୍ମୃତି
             ପର ଜନ୍ମେ ତାଙ୍କପୁତ୍ର ||
ମୁହିଁ ମଧ୍ୟ ତାଙ୍କ               ଅମୃତର ଶିଶୁ
             ଜଗତେ ସ୍ମୃତି ବିଦିତା
ମୋ ମାତା ତ୍ରିବେଣୀ          ମମତା ସଂଶିତ
             ଇହ ଲୋକେ ମୋର ମାତା ||
                         
ହେମନ୍ତ କୁମାର ବରାଇ
ରୁଷୁଡା, ବରଗଡ
8917518774

0 Comments