ଫେରିଯାଅ ଫୋନି - ସଂଯୁକ୍ତା ରାଉତ

ଫେରିଯାଅ ଫୋନି - ସଂଯୁକ୍ତା ରାଉତ

"ଫୋନି" ନାଆଁ ଶୁଣି ଲାଗଇ ଛାନିଆଁ 
ବୀଭତ୍ସ ବିକଟ ରୂପ
ଗଣମଧ୍ୟମର ସତର୍କ ବାରତା
ବଢୁଛି ତୁମ ପ୍ରକୋପ ୲୲

କେବେ ଯେ ତିତିଲି କେବେ ଫାଇଲିନ୍
କେବେ ପୁଣି ହୁଡୁହୁଡ଼ି
କାହିଁକି କେଜାଣି ବିନା ନିମନ୍ତ୍ରଣେ
ଅଦିନେ ଆସୁଛ ମାଡ଼ି ୲୲

ଦେଇ ମହା ରଡି ଅବାଧ୍ଯେ ପ୍ରବେଶି
ନାରଖାର ସବୁ କରି
କିବା ଆତ୍ମ ଶାନ୍ତି ଲଭ ଅବା ଖ୍ୟାତି
କହିବ କି ବାରେ ଖୋଲି ୲୲

ତୁମ ଆଗମନେ ଅମୂଲ୍ଯ ଜୀବନ
ଅକାଳେ ହୁଅଇ ନାଶ
କେତେ ଧନ କ୍ଷୟ ଘର ଦ୍ଵାର ଭାଙ୍ଗି
କରୁଛ ଅଜସ୍ର ଧ୍ଵଂସ ୲୲

ହେ "ଫୋନି" ତୁମକୁ କହେ ମୁଁ ବିନୟେ
ଦୟାକରି ଫେରି ଯାଅ
ଶତ୍ରୁତା ବେଭାର ନୁହଁଇ ଉଚିତ
କାହିଁକି ନିର୍ଦ୍ଦୟ ହୁଅ ୲୲

ଜଗତର ନାଥ ଆହେ ଦୟାମୟ
ଏତିକି କରୁଛି ଅଳି
ସାହା ହୁଅ ପ୍ରଭୁ ମୋ' ଦେଶବାସୀଙ୍କୁ
ଆଶିଷ କରୁଣା ଢାଳି ୲୲

Writer's Details: ସଂଯୁକ୍ତା ରାଉତ , ଶିକ୍ଷୟିତ୍ରୀ
ଜୟପୁର , କୋରାପୁଟ
Content Category:
Submission Date: May 01, 2019

0 Comments