ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ନିଦାଘ - ସଂଯୁକ୍ତା ରାଉତ

ନିଦାଘ - ସଂଯୁକ୍ତା ରାଉତ


ନିଦାଘର ଦାଉ ହେଲାଣି ଅସହ୍ୟ
ମହୀ ହୁଏ ଥରହର
ଜଳର ବିହୁନେ ଆର୍ତ୍ତ ଚିତ୍କାର
ଶୁଭେ ଜୀବଜଗତର ୲୲

ନଦୀ ନାଳ ଦିଶେ ଧୂସର ଧୂସର
ଜଳ କାହିଁ ମିଳେ ନାହିଁ
ମୃଗତୃଷ୍ଣା ଭ୍ରମେ ଭ୍ରମିତ ତୃଷାର୍ତ୍ତ
ଶୋଷ କି ପାରଇ ସହି ୲୲

ବହେ ଦକ୍ଷିଣରୁ ନିଦାଘର ଝାଞ୍ଜି
ବଞ୍ଚିବା ଅଥୟ କରେ
ବାହାରକୁ ଯିବା ବିପଦ ଜନକ
ଡହଡହ ଖରାବେଳେ ୲୲

ବାହାରକୁ ଯିବା ବାଧ୍ୟ ଯଦି ହୁଏ
ଟିକେ ସଚେତନ ହେବା
ପାଦେ ଥିବ ଜୋତା ମଥା ପରେ ଛତା
ପାଣି ବି ସାଥିରେ ନେବା ୲୲

ନିଦାଘ କାଳରେ ବେଶୀ ସାଂଘାତିକ .
କାଳବୈଶାଖୀର ଝଡ
ଆସେ କେଉଁ ଆଡୁ ବୁଝି ତ ହୁଏନା
ଭାଙ୍ଗି ଦିଏ ସୁଖ ନୀଡ ୲୲

Writer's Details: ସଂଯୁକ୍ତା ରାଉତ , ଶିକ୍ଷୟିତ୍ରୀ
ଜୟପୁର , କୋରାପୁଟ
Content Category:
Submission Date: May 02, 2019

0 Comments