OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଖୁଣିବ ବା ମୋତେ କିଏ - ବି. ନିରୁପମା

ଖୁଣିବ ବା ମୋତେ କିଏ - ବି. ନିରୁପମା



ଖୁଣିବ ବା ମୋତେ କିଏ !

ମାଆ ମୋତେ ଏଇ ଶିଖିପୁଚ୍ଛ ଖୋସି
ସଜାଇ ଦେଉଛି ନିତି ,
କଳାରଙ୍ଗ ଯେହ୍ନେ ଝଲସି ଉଠିବ
ସୁନ୍ଦର ଦିଶିବ ଅତି ।

ଭାଇଙ୍କର ରଙ୍ଗ ଗୋରା ତକ ତକ
ସତେ କି ଲହୁଣୀ ମଖା ,
ସେଥିପାଇଁ ମାଆ ଏତେ ବେଶ କରେ
କାଳେ ପଡ଼ିଯିବି ଫିକା । 

ହାତେ ସୁନା ଖଡ଼ୁ,ମୁଦ୍ରିକା,ବାହୁଟି
କାନରେ କୁଣ୍ଡଳ ସାଜେ ,
କଟିରେ ମେଖଳା,ପାଦରେ ନୂପୁର
ରୁଣୁଝୁଣୁ କରି ବାଜେ ।

ଗଳାରେ ମୋହର ରତ୍ନହାର ଝୁଲେ
ଖଞ୍ଜାହୋଇଅଛି ମୋତି ,
କେଶ ବାନ୍ଧି ଦିଏ ଶିଖିପୁଚ୍ଛ ସହ
ସଜମଲ୍ଲୀ କଢ଼ି ନିତି ।

ପୀତ ବସନକୁ ପିନ୍ଧେଇ ଦେଇକି
ଗୋରୋଚନା ଚିତା ଦିଏ ,
ଯେ ଦେଖିବ ତା'ର ମନ ଲାଖିଯିବ
ଖୁଣିବ ବା ମୋତେ କିଏ !!

ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।

0 Comments