OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଜାଗିଉଠୁ ମନୁଷ୍ୟତ୍ଵ - ସଂଯୁକ୍ତା ରାଉତ

ଜାଗିଉଠୁ ମନୁଷ୍ୟତ୍ଵ - ସଂଯୁକ୍ତା ରାଉତ

ଦ୍ଵୈତ ସତ୍ତାର ସମିଶ୍ରଣେ ପ୍ରଭୁ 
ଗଢିଲ କାହିଁ ଏ ମଣିଷଟିକୁ
ଦେବତ୍ଵ ଠାରୁ ସେ ବେଶୀ ଆଚରଇ
ସ୍ଵଭାବେ ତାହାର ସେ ପଶୁତ୍ଵକୁ ୲୲

ପଶୁତ୍ଵ ଜାଗିଲେ ଅନ୍ତରେ ତାହାର
ହୁଏ କଳୁଷିତ ସାରା ପରିବେଶ
ଅହଂକାର ସର୍ପ ଫୁତ୍କାରରେ ତା'ର
ଏ ଧରାରେ ଭରେ ହଳାହଳ ବିଷ ୲୲

ବିବେକରେ ଆଜି ପଡିଛି ପରଦା
ପଶୁତ୍ଵ ଦର୍ପରେ କମ୍ପେ ଭୂମି-ଭୂମା
ଭଲମନ୍ଦ ଜ୍ଞାନ ଥାଇ ମଧ୍ୟ ତା'ର
ପଶୁତ୍ଵ ପ୍ରତାପ ଥମୁନି ତ ଜମା ୲୲

ଶାଶ୍ଵତ ସତ୍ତାଙ୍କୁ ପାଶୋରି ମନରୁ
ମଦମତ୍ତେ ରଚେ ମୃତ୍ୟୁର ଛାୟା
ଷଢଋପୁ ଫାଶେ ହୋଇ କବଳିତ
ବେଶୀ ସେ ବିସ୍ତାରେ ପଶୁତ୍ଵ କାୟା ୲୲

ହେ , ସୃଷ୍ଟି କରତା କର ଜାଗରଣ
ତା' ଭିତର ସୁପ୍ତ ଦେବତ୍ଵ ସତ୍ତା
ଦେବତ୍ଵ ଜାଗ୍ରତ ନ ଦେଲେ ଅନ୍ତରେ
ନ ରହିବ ଏହି ସୃଷ୍ଟିର ପତ୍ତା ୲୲

Writer's Details: ସଂଯୁକ୍ତା ରାଉତ , ଶିକ୍ଷୟିତ୍ରୀ
ଜୟପୁର , କୋରାପୁଟ
Content Category:
Submission Date: May 01, 2019

0 Comments