OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ହେବୁ ତୁ ଜଗତଜିତା - ସଂଯୁକ୍ତା ରଉତ

ହେବୁ ତୁ ଜଗତଜିତା - ସଂଯୁକ୍ତା ରଉତ



ତୁହି ପରା ମା' ମୋ ଜୀବନ
ଗଳା ସଙ୍ଖାଳି ଧନ
ବୁଝାଇ କହୁଛି ତୋତେ ଲୋ
ପଢ଼ିବୁ ଦେଇ ମନ ୲୲

ପଢିଲିନି ବୋଲି ମୁହିଁ ଲୋ
ହେଲି ଏତିକି ସରି
ଅଧାରୁ ଛାଡ଼ିଲି ବସ୍ତାନୀ
ମନେ ହୁଏ ମୁଁ ଘାରି ୲୲

ମନ୍ଦ ଭାଗ୍ୟ ମୋର ଭୋଗୁଛି
ମନ୍ଦ କରମ ଆଜି
କୁଲା ବାଉଁଶିଆ ବୁଣେ ମୁଁ
ଭାଗ୍ୟ ସାଥିରେ ଜୁଝି ୲୲

କେତେ ଆଶା ଥିଲା ମନେ ମୋ'
ପାଠ ପଢିବି ମୁହିଁ
ସ୍ଵପ୍ନ ମୋର ସତ ନୋହିଲା
ଗଲା ସ୍ଵପ୍ନରେ ରହି ୲୲

ତୋତେ ନେଇ ମା' ମନେ ମୁଁ
ସ୍ଵପ୍ନ ଦେଖିଛି କେତେ
ମୋ' ସ୍ଵପ୍ନ କି ସତ କରିବୁ
କଥା ଦେ' ତୁ ମୋତେ ୲୲

ସୁନେଲି ଭବିଷ୍ୟ ଗଢ଼ିବୁ
ଯଦି ପଢ଼ିବୁ ପାଠ
ଗୁରୁଜନ କଥା ମାନିଲେ
ହେବୁ ତୁ ଭଲ ଚାଟ ୲୲

ପଢାଇବି ତୋତେ ମୁହିଁ ଲୋ
ପାଠ କରି ସରଳ
ବୁଝି ନ ପାରିଲେ ମାଆ ଲୋ
ପଚାର ବାରବାର ୲୲

ପାଠ ସହ ଲୋଡା ଅଛି ଲୋ
ମାଆ ନୈତିକ ଶିକ୍ଷା
ଲଭିଲେ ଶିକ୍ଷା ତୁ କରିବୁ
ଭଲ ମନ୍ଦର ବାଖ୍ୟା ୲୲

ଦେଶ ଜାତି ଟେକ ରଖିବୁ
ଉତ୍ତମ କର୍ମ କରି
ଆଶିଷ ଦେଉଛି ଢ଼ାଳି ଲୋ
ମଥା ପରେ ତୋହରି ୲୲

ଦୁହିତା ଜନମ ଲଭିଛୁ
ଦୁଇ କୁଳକୁ ହିତା
ପାଠ ପଢି ତୁହି ହେବୁ ଲୋ
ଦିନେ ଜଗତଜିତା ୲୲

Writer's Details: ସଂଯୁକ୍ତା ରଉତ, ଶିକ୍ଷୟିତ୍ରୀ
ଜୟପୁର , କୋରାପୁଟ
Content Category:
Submission Date: May 28, 2019

0 Comments