OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ବୋତଲ ମାହାତ୍ମ୍ୟ - ଘନଶ୍ୟାମ ସାହୁ

ବୋତଲ ମାହାତ୍ମ୍ୟ - ଘନଶ୍ୟାମ ସାହୁ



କହି ପାରିବ କେ ଦମ୍ଭ ସହକାରେ
ବୋତଲ କେବେ ବି ଧରି ନାହିଁ
ଏମିତି ମଣିଷ ଜନ୍ମି ନାହିଁଁ କେହି
ବୋତଲ ଛାଡ଼ି କି ଅଛି ଜିଇଁ ?
ଜନ୍ମ ହେଉ ହେଉ ଦିଆଯାଏ ମହୁ
ମହୁବୋତଲଟି ଲୋଡା ଆଗେ
ପପୁ ବୋତଲରେ କ୍ଷୀର ଦେଇ ମାଆ
ନିର୍ଭୟରେ ଯାଏ କାମ ଦିଗେ ।
ଆଶ୍ରା କରେ ଶିଶୁ ପପୁ ବୋତଲକୁ
ସାଧାରଣ ଖାଦ୍ୟ ନେବା ଯାଏ
ପରେ ପରେ ଧରେ ଓ୍ୱାଟର୍ ବୋତଲ
ସ୍କୁଲ ବ୍ୟାଗ୍ ସହ ପଢ଼ିଯାଏ ।
ସାଙ୍ଗ ସାଥି ମେଳେ ମାଜା ଫ୍ରୁଟି ଆଦି
ଥଣ୍ଡା ବୋତଲର କେଡ଼େ ମଜା
ମୃଦୁ ପାନୀୟରେ ମୃଦୁ ବିଷ ନେଇ
ଭବିଷ୍ୟତେ ପାଇଥାଏ ସଜା ।
ଯୁବା ବୟସରେ ପାର୍ଟି ଭୋଜି ବେଳେ
ବୋତଲ ବିଦେଶୀ ଦେଶୀବାଲା
ଚାହିଦା ହୁଏ ତ ଷ୍ଟାଟସ୍ ଅନୁସାରେ
କହିବେ ପାର୍ଟିଟା ଭଲ ହେଲା ।
ଶୋଭା ଯାତ୍ରା ଯେତେ ଲୋଡା ହୋଇ ଥାଏ
ବାହା ହେଉ ଅବା ଭସାଣି ହେଉ
ନାଚ ଡି ଜେ ବାଜା ସହିତ ମିଶାଇ
ନାଲି ବୋତଲର ବଢେ ଭାଉ ।
ବୟସ ବଢିଲେ ରୋଗ ମାଡ଼ିବସେ
ଦୁରୁବଳ ହେଲେ ସାଲାଇନି
ବୋତଲ ନିହାତି ଦରକାର ହୁଏ
ନହେଲେ ତ ଜମା ଚଳିବନି ।
ତା ସହିତ କେତେ ଭିଟାମିନ ଶିଶି
ବୋତଲ ନିହାତି ଦରକାର
ପ୍ରାଣ ଥିବା ଯାଏ ସେବନ କରିବା
କହିବେ ନିଶ୍ଚୟ ଡାକତର ।
ଜୀବ ଗଲାବେଳେ ନିର୍ମାଲ୍ୟ ସହିତ
ବୋତଲରୁ ଦେଉ ଗଙ୍ଗା ଜଳ
ତେବେ ଜୀବ ଯିବ ବଇକୁଣ୍ଠ ଧାମ
ନ ହେଲେ ତ ହେବ କଲବଲ ।
ବୋତଲ ରହିଛି ଚିରସାଥୀ ଆମ
ଜନମରୁ ମୃତ୍ୟୁ ହେବାଯାଏ
କୁଅଭ୍ଯାସବାଲା ବୋତଲ ଛାଡ଼ିଲେ
ଜୀବନ ଆମର ଧନ୍ୟ ହୁଏ ।

Writer's Details: ଘନଶ୍ୟାମ ସାହୁ
ସହ ସମ୍ପାଦକ-ତ୍ରିଧାରା ସାହିତ୍ୟ ସଂସଦ, ବଇଣ୍ଡ।,
ପୋ: ଅ: କିଶୋର ଗଞ୍ଜ, ଜିଲ୍ଲା-ଅନୁଗୋଳ, ପିନ୍ କୋଡ - ୭୫୯୧୨୭
ମୋବାଇଲ ନମ୍ବର - ୯୪୩୭୬୭୪୫୩୭,
Content Category:
Submission Date: May 25, 2019

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।