ବଡଦାଣ୍ଡେ ଠିଆ ହୋଇ - ନରେନ୍ଦ୍ର ପ୍ରସାଦ ବେହେରା

ବଡଦାଣ୍ଡେ ଠିଆ ହୋଇ - ନରେନ୍ଦ୍ର ପ୍ରସାଦ ବେହେରା

କହ ଜଗନ୍ନାଥ ତୋତେ ପଚାରୁଛି
             ବଡଦାଣ୍ଡେ ଠିଆ ହୋଇଛୁ କାହିଁ
ଭାବବିନୋଦିଆ ଭାବରଠାକୁର
            ବସିଛୁ କାହିଁକି  ମଉନ ହୋଇ ।

କେତେ ଆଶାନେଇ ଆସିଥିଲି ଧାଇଁ
      ଦୁଃଖ ଜଣାଇବା ପାଇଁ  ଠାକୁର
ମୋ ବେଳକୁ କାହିଁକି ହୋଇଲ ନିଷ୍ଠୁର
       ତୁମେ ତ ଜଗତ ବଡ଼ ଠାକୁର ।

ମାଗିବି ନାହିଁ ମୁଁ ଧନ ଦଉଲତ
     ମାଗିବି ନାହିଁ ମୁଁ ସ୍ବର୍ଣ୍ଣ ଅଳଙ୍କାର
କାହିଁକି ପ୍ରଭୁ ହେ  ଲୁଚିବସିଅଛ
   ମାଗିବିନି କିଛି  ଆସ ଏଥର।

ଜଗତ ଠାକୁର  କେତେ ଯେ ଡରୁଆ
     ମୋ ଡାକ ଶୁଣି ହେଉଛ ଛାନିଆଁ
ଯାଉଛି ଫେରି ନ ଆସିବି ଆଉ ମୁଁ
     ଇଛା ଥିଲେ ଯିବୁ  ମୋ ଚାଳିଆ ।

ଯାହା ଥିଲା (ମୋ) ପାଶେ ଶୂନ୍ଯ ତୋ ଦାଣ୍ଡରେ
       ଯାଉଛି ମୁଁ ଚାଲି ଫେରିବି ନାହିଁ
ଧିକ ତୁହି ବଡ ଠାକୁର ପଣିଆ
      ନିରାଶ କଲୁ  ତୁ ମଉନ ହୋଇ।

ନରେନ୍ଦ୍ର ପ୍ରସାଦ ବେହେରା

0 Comments