OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଅକ୍ଷୟ ତୃତୀୟା - ହାସ୍ୟମୟୀ ରାଜ୍

ଅକ୍ଷୟ ତୃତୀୟା - ହାସ୍ୟମୟୀ ରାଜ୍

ନିଆରା ଆମର ଓଡ଼ିଆ ସଂସ୍କୃତି
          ମାନବିକ ସମ୍ପର୍କର
ଭିନ୍ନ ତାହାର ପର୍ବ ପର୍ବାଣୀ
           ଜଗନ୍ନାଥ ତା'ର ପ୍ରାଣ ।
ବାରମାସେ ତେର ପର୍ବ ଭିତରେ
           କରେ ଆବେଗର ଉପଚାର
ବର୍ଷା ତାହାର ଦରଦୀ ବନ୍ଧୁ
           ବୈଶାଖ ଆପଣାର,
ଶୀତ ଦେଉଥାଏ ଶୀତଳତା ଛୁଆଁ
            ବସନ୍ତ ବୋଳେ ଅବିର ।
ଏ ଜାତି କୃଷକ ମେରୁଦଣ୍ଡ ତାର
           କୃଷି ତାର ପୂଜା ଫୁଲ
ସୂରୁଜକୁ ସିଏ ନିଦରୁ ଉଠାଏ
        ପାଇବାକୁ ତା'ର ମୂଲ,
ମାଟି ଦେହେ ଗଢା ମାଟିର ପିଣ୍ଡୁଳା
        କିଏ ହେବ ତା'ର ସମତୁଲ ।
ବୈଶାଖ ତାତିରେ ଉଚ୍ଛୁଳା ଆନନ୍ଦେ
        କର୍ଷଣ କରେ ଭୂଇଁ,
ଅକ୍ଷିତୃତୀୟାରେ ଅକ୍ଷି ମୁଠି ନେଇ
ମାଟି ପଣତରେ ଶ୍ୟାମଳ ଛବିଳ
        ଚିତ୍ର ଆଙ୍କିବା ପାଇଁ  ।
ଅକ୍ଷି ମୁଠି ନେଇ ଅନୁକୂଳ କରେ
     ଜୀବନର ଗୀତା ଗାଇ ।।
ବିଶ୍ବାସ ରାଗରେ ପ୍ରେମ କଣିକାରେ
       ଶ୍ରଦ୍ଧାର ରଙ୍ଗ ଭିଜେଇ
ଯୁଗ ଯୁଗ ଧରି ଅକ୍ଷୟ ତୃତୀୟା
       ପାଳୁ ମୋ ଓଡିଆ ଭାଇ ।
କ୍ଷୟ ତା ନଘଟୁ ମୋ ମାଟି ମହକୁ
ଏ ଜାତିର ଗର୍ବ ମାଟି ମାଆ ପର୍ବ
        ସବୁ ବର୍ଷ ଆସୁଥାଉ ।
        କ୍ଷେତ ଖଳା ହସୁଥାଉ ।।

Writer's Details: ହାସ୍ୟମୟୀ ରାଜ୍
ଓରାଳି, ହାଟଡିହି କେନ୍ଦୁଝର ।
Content Category:
Submission Date: May 01, 2019

0 Comments