"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ତୋ ବିନା - ସନ୍ତୋଷ ପଟ୍ଟନାୟକ

ତୋ ବିନା - ସନ୍ତୋଷ ପଟ୍ଟନାୟକ

ମନ ମୟାପୁରୀ ମନ୍ତରେ କାଉଁରି
    କରାଇଲୁ ସମ୍ମୋହନ 
ହୃଦେ କଲୁ ବାସ ପ୍ରଣୟରେ ଆଶ 
    ଭାବେ ବିହ୍ଵଳିତ ମନ

କି କଲୁ କିମିଆ ମନ ଅମାନିଆ
     ଚିତ୍ତ ମୋ ଯାଇଛି ହଜି 
ପାରୁନାହିଁ ସହି ଆଲୋ ପ୍ରାଣସହି 
    ଦିନସାରେ ସ୍ମୃତି ହେଜି 

ଫଗୁଣର ଏଇ ପୁଷ୍ପରାଗ ଛିଟା 
     ବଢାଏ ହୃଦ ସ୍ପନ୍ଦନ 
ଗୋଧୂଳି ଲଗନେ ପ୍ରୀତି ମୋହାଛନେ 
     ପ୍ରେମିକ ତୁଷାର୍ତ୍ତ ମନ 

ପ୍ରତିଥର ଶ୍ବାସ ଦିଏ ତୋ ଆଭାସ 
     ଚକ୍ଷୁ କୋଣେ ଅଭିସାର 
ବିନିଦ୍ର ରଜନୀ ବିମ୍ବିତ ଛାତିରେ 
     ଅମାନିଆଁ ଅଶ୍ରୁଧାର .....

✍ସନ୍ତୋଷ ପଟ୍ଟନାୟକ ,ବେଗୁନିଆପଡା ବ୍ଳକ୍ ,ତିରିଡା / ଗଞ୍ଜାମ  ।
      ଫୋନ୍  :- 7984259080 , 8866359211  

0 Comments