ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତମ ସ୍ମୃତିରେ - ସୌମ୍ୟ ରଞ୍ଜନ ଦାଶ

ତମ ସ୍ମୃତିରେ - ସୌମ୍ୟ ରଞ୍ଜନ ଦାଶ

ମନ ଉପବନେ         ତମ ସ୍ମୃତି ପକ୍ଷୀ
        ଝୁରି ଝୁରି ଆନମନା 
ତମେତ ନେଇଛ       ଫଗୁଣ କୁ ଡାକି 
        ବସନ୍ତ ଯେ ବାସହିନା   l

ସପନ ମୋ ସିନା       ସଫା ସଫା ଲାଗେ 
         ଆଖି ତଳ ଓଦା ଓଦା 
ସବୁ ସକାଳ ତୋ       ଭାବନା ରେ ବିତେ 
         ଲୁହ ଲେଖେ ସ୍ମୃତି ସନ୍ଧ୍ୟା    l

ଭିଜୁଛି ହଜୁଛି        ଜଳୁଛି ଡାକୁଛି 
       ଏଇ ମୋ ଟିକି ହୃଦୟ 
ଅଧୀର ଆବେଗ     ଅଧୁରା ପ୍ରଣୟ 
      ଝୁରି ମରେ ସେ ସମୟ  l

କାଠ କି ପଥର      ଶିଳା କି ପ୍ରତିମା 
      ନୁହେଁ ମୁଁ ଗୋଟେ ମଣିଷ 
ବିଚ୍ଛେଦ ତମର      କେମିତି ସହିବି 
       ଆହତ ମୋ ଅଭିଳାଷ    l

ମହମବତୀର        ମୋହର ଲଗାଇ 
     ଜଳୁଛି ଖୁସିରେ ସିନା 
ନିଜର ଲୁହରେ      ନିଜକୁ ଆଦରି 
     ଶିଖେ ଜୀଇଁବା ବାହାନା    l

ତମ ମିଠା ମିଠା     ସ୍ମୃତି ନେଇ ଯେବେ
         ଗାଏ ମୁଁ ଜୀବନ ଗୀତ 
ବେସୁରା ବଂଶୀ ର     ସପ୍ତରାଗ ସୁରେ 
      ସଙ୍ଗୀତ ମୋ ପ୍ରତ୍ୟାଖିତ   l

ସୌମ୍ୟ ରଞ୍ଜନ ଦାଶ 
ଶିକ୍ଷକ, ବଲାଙ୍ଗୀର  

0 Comments