OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ସ୍ନେହଁର ମନ୍ଦିର ଆମ ସୁନାଘର - ସଦାନନ୍ଦ ସାହୁ

ସ୍ନେହଁର ମନ୍ଦିର ଆମ ସୁନାଘର - ସଦାନନ୍ଦ ସାହୁ



ବୈକୁଣ୍ଠ ସମାନ ଅଟେ ଆମଘର 
ସ୍ନେହେଁ ପ୍ରେମେ ପରିପୂର୍ଣ୍ଣ ,
ରତ୍ନପ୍ରସୂ ସ୍ଵପ୍ନ ହୋଇଛି ସାକାର
ସାଉଁଟୁଛୁ ଆମେ ସ୍ଵର୍ଣ୍ଣ ! !

ସୁରମ୍ୟ ଆବାସ ସ୍ନେହଁର ଆଶିଷ
ପାପା ମାମା ପ୍ରୀତୀଧାର ,
ଆମେ ତାଙ୍କ ଧନ ହେଉ ଖାଲି ଗେଲ
ଝରଇ ଅମୃତ ନୀର ! !

ପିତା କୃଷ୍ଣଚନ୍ଦ୍ର ଗଢିଛନ୍ତି ନୀଡ
ମୁଣ୍ଡ ଝାଳ ତୁଣ୍ଡେ ମାରି ,
ତ୍ୟାଗପୂତ ତାଙ୍କ ଜୀବନ ଆଦର୍ଶ
ସମର୍ପଣେ ବିଭାବରୀ ! !

ମାଆ ସରସ୍ଵତୀ ସ୍ନେହାଁଶିଳା ଅତି
ମମତାର ଗନ୍ତାଘର ,
ଶୁଭ ଆଶିର୍ବାଦେ ମାଆ ମୋର ଭାସେ
ବ୍ରତପାଳେ ନିରନ୍ତର ! !

ଆମ ସୁନା ବସା ହସୁଛି ସର୍ଵଦା
ସୌଭାଗ୍ୟ ବିଜୟ ଟୀକା ,
ଆହେ ଗୋପୀନାଥ ରେମୁଣା ସଙ୍ଗାତ
ଦୂର କର ସର୍ବ ଶଙ୍କା ! !

କୁଳର ଗାରିମା ପ୍ରୀତିର ଚନ୍ଦ୍ରମା
ସଙ୍ଗୀତା ରମଣୀ ବଧୂ ,
ଆବାସ ମହଲେ ହସଫୁଲ ଢାଳେ
ଝରିପଡ଼େ ମୁକ୍ତା ବିନ୍ଦୁ ! !

ସୁଶ୍ରୀ ସଙ୍ଗୀତାର ଅନବଦ୍ୟ ଦାନ
କାବ୍ୟା ଆମ ନଭଜ୍ୟୋତି ,
ପାଣିଗ୍ରାହିକୁଳ କରିଛି ମଣ୍ଡନ
ଉଚ୍ଛୁଳି ପଡୁଛି ପ୍ରିତୀ ! !

ଆମ ସୁନାକନ୍ୟା କାବ୍ୟା ରତ୍ନପ୍ରଭା
କବିର ସମ୍ପଦ ବର୍ଣ୍ଣା ,
ସ୍ନେହଁର ରଙ୍କୁଣୀ ଗୁଲୁ ଧନରାଣୀ
ସାଜିଛିତ ଋତୁପର୍ଣ୍ଣା ! !

ପ୍ରୀତିର ସ୍ଵାକ୍ଷର କରିଛି ବହନ
ସ୍ନେହଁର ରଙ୍କୁଣୀ ମଣି ,
ଅଲିଅଳି କନ୍ୟା କାବ୍ୟା ଆମ ଧନ୍ୟା
ମାତୃ ପିତୃ ସରାଗିନି ! !

ଭବାନୀ ଶଙ୍କର କୁଳର ଗୌରବ
ସମର୍ପଣେ ମନଯୋଗ ,
ପାପା ମାମା ପତ୍ନୀ ସର୍ବୋଦୟ ତନ୍ତ୍ରୀ
ହୃଦୟରେ ଅନୁରାଗ ! !

ହେ' ମନର ମାନିନୀ ରାଗର ରାଗିଣୀ
ସାତ ଜନମର ସାଥୀ ,
ମୁଁ' ତୁମ ଭବାନୀ ସର୍ବୋତ୍ତମ ପତି
ଅଜାଡିବି ନୀତି ପ୍ରିତୀ ! !

ଜଗତର ନାଥ ଏ' ତୁମରି ବିଭବ
ପାଣିଗ୍ରାହୀ ପରିବାର ,
ଛତ୍ର ଛାୟାତଳେ ରଖହେ ' ଠାକୁରେ
ନ' ଲାଗୁ କାହା ନଜର ! !

Writer's Details: sadananda sahoo , dhurusia ,athagarh , cuttack
Content Category:
Submission Date: Apr 19, 2019

0 Comments