OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ସପନର ଅନ୍ତରାଳେ - ପ୍ରଫୁଲ୍ଲ ଚନ୍ଦ୍ର ମିଶ୍ର

ସପନର ଅନ୍ତରାଳେ - ପ୍ରଫୁଲ୍ଲ ଚନ୍ଦ୍ର ମିଶ୍ର

ଫଗୁଣ ବୁଣିଲା        ଫଗୁଆ ଅବିର
       ମଳୟ ଅନିଳ ହାତେ
ବସନ୍ତ ବିଳାସି        ଚଇତାଳି ଚୁତ
    ଡାଳେ ପରଭୃତ ଗୀତେ ।।
ଘନ କିଶଳୟ   ବନ ଶୋଭା ଲୋଭା
      ଆହାକେଡେ ମନୋହର
ଏକାଳେ ବାସନ୍ତୀ    ବାସନ୍ତୀକା ରୂପେ
       ମଣ୍ଡିଲେଣି ଭୂମଣ୍ଡଳ ।।
କୃଷ୍ଣଚୁଡା,ଚମ୍ପା,        ମୁଚୁକୁନ୍ଦ, ମଲ୍ଲୀ
       ନାଗେଶ୍ଵର,ଛୁରିଅନା
ବାସ ଚହଟା ଏ     ଚଇତି ପରବ
        ନବଦୁର୍ଗା ଉପାସନା ।।
ମହାମାୟୀ ମହା    ମହିଷ ମର୍ଦ୍ଦିନୀ
        କରନ୍ତି ଅବଲୋକନ
ଅବତରି ଧରା           ମଣ୍ଡନ କରନ୍ତି
        କରିବେ ଦୁଷ୍ଟ ଦଳନ ।।
ପବନ ତନୁଜ     ରାମ ପଦାମ୍ବୁଜ
     ସେବକ ସେ ବୀର ହନୁ
ଅବତରି ଥିଲେ     ତ୍ରେତୟା ଯୁଗରେ
      ଅମର ସେ ସେହି ଦିନୁ ।।
ଶିବ ଉପାସନା   ଦଣ୍ଡ ପରବରେ
  ମଣିଆ ମା,ର ପୁଜା
ହିନ୍ଦୁ ନବବର୍ଷ   ଏମହା ପରବ
  ପାଳନ୍ତି ସକଳ ପ୍ରଜା ।।
ରାମ ନବମୀ ରେ      ରାମଜନ୍ମ ଲଗ୍ନ
      ପାଳି,କରି ଘରେ ଘରେ
ଆଜିର ମାନବ     ରାମରାଜ୍ୟ ଖୋଜେ
   ସେତ ସପନର ଅନ୍ତରାଳେ ।।

ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

0 Comments