ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ସାବଧାନ ହୁଅ ଆଜ୍ଞା - ଚିତ୍ତରଞ୍ଜନ ସାହୁ

ସାବଧାନ ହୁଅ ଆଜ୍ଞା - ଚିତ୍ତରଞ୍ଜନ ସାହୁ

ଆମ ଭୁସମ୍ପଦ ଲୁଟି କଲ ଅବିଚାର
ପରିବାର ଛାଡିଆମେ ବୁଲୁ ବାରଦ୍ୱାର।
ତୁମେ ବାତାନୁକୁଳିତ ଘରେ ଥାଅ ରହି
ଆମେ ତ୍ରାହି କରୁ ଝାଟି ମାଟି ଘରେ ଥାଇ।।

ବର୍ଷା ଦିନେ ପାଲ ଖୋଜୁ ଖରାଦିନେ ପାଣି
କେମିତି କହିବୁ କୁହ ଆମ ଏ କାହାଣୀ।
ତୁମେ କେବେ ଆସି ଦେଖ ଆମ ଏ ଦୁର୍ଦଶା
ଅନ୍ଧାରେ ଆଲୋକ ଖୋଜୁ ନିରାଶାରେ ଆଶା।

ତୁମେ ବାବୁ ଲୋକ ସବୁ ଆରାମରେ ଥାଅ
ଜନତାଙ୍କୁ ମିଛ କହି ଭକୁଆ ବନାଅ।
ଆମରି ଦୟାରୁ ଯେଉଁ ସୁଖ ଲଭୁ ଥାଅ
ପଡିବରେ ତୁମପରେ ଜନତାର ହାୟ।।

ପାଞ୍ଚ ବର୍ଷେ ଥରେ ହୁଏ ତୁମ ଆଗମନ
ଡାହା ମିଛ କହି ଆଜ୍ଞା ଜିଣ ଜନମନ।
ଆମ କଥା ଶୁଣିବାକୁ ସମୟ ବା କାହିଁ?
କେତେ ଲୁଟିବ କୁହରେ ଗାଦିଭାରେ ଥାଇ।।

ତୁମ ହୃଦୟଟା କିବା ପ୍ରସ୍ତର ନିର୍ମିତ
ଚିତ୍କାର ଶୁଣି ବି କେବେ ହୁଅନି ବ୍ୟଥିତ।
ସାବଧାନ ହୁଅ ଆଜ୍ଞା ସାବଧାନ ହୁଅ
କୋପିତ ହେଲେ ଜନତା କି କରିବ କୁହ?

0 Comments