"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ବିଧାତା ର ବିଡ଼ମ୍ବନା - ପ୍ରଫୁଲ୍ଲ ଚନ୍ଦ୍ର ମିଶ୍ର

ବିଧାତା ର ବିଡ଼ମ୍ବନା - ପ୍ରଫୁଲ୍ଲ ଚନ୍ଦ୍ର ମିଶ୍ର

ଗଣ ଦୁଷ୍କର୍ମ ଦୁଃସହ କଳଙ୍କ   
                 କଅଁଳ କୋମଳ କଳୀ
ଦୁଷ୍ଟ, ନଷ୍ଟ,କିଟ ଦନ୍ତାଘାତ ରେ  
                  ଅଦିନେ ଯାଏ ମଉଳି ।।

         ଫୁଟିବା ଆଗରୁ କୋମଳ କଳିକା 
               ଲୋଲୁପ ଦୃଷ୍ଟି ରେ ଦୁଷ୍ଟ
କ୍ଷତ ବିକ୍ଷତ ତା ଅବୋଧ ମନଟା 
                  ହୋଇଯାଏ ନଷ୍ଟଭ୍ରଷ୍ଟ ।।

         ମଧୂ ସଂଭାସଣେ ମଧୂର ଗୁଞ୍ଜନେ  
                   ଲବଣୀ ପିତୁଳା ମନ
ଉଚ୍ଚାଟେ ତା ଦେହେ ଭରି ଦେଇଥାଏ  
                    ଅବିଶ୍ବାସ ଭରା କାମ ।।

         ଅଭାଗିନୀ କେତେ ସପନ ଦେଖିଛି 
                   ଦେବତା ଗଳାର ହାର
ଆହା କି ନିଷ୍ଠୁର କିଟ ଅତ୍ୟାଚାର 
                      ବିଡ଼ମ୍ବନା ବିଧାତାର ।।

         ଅଦିନେ ଯେପରି କାଳ ବୈଶାଖୀ 
                     ସଂହାରେ ନାରଖାର
ତହୁଁ ବିଭତ୍ସ ଯନ୍ତ୍ରଣା ତାରେ 
                      କରିଦିଏ ନିର୍ବିକାର  ।।

         ଦିଶାହରା ଏହି ଉଦ୍ବୃତ ସମାଜେ
                           ସତ୍ୟ ଏଠାରେ ସୁପ୍ତ
ସଂହତି, ସଂସ୍କୃତି ଯୁପକାଠ ତଳେ 
                ସ୍ନେହ, ପ୍ରେମ ସମାଧିସ୍ଥ ।।

         ଏ ଅରୁଚ ଅଭିନୟ ଅନ୍ତ ହେଉ 
                  ସ୍ନେହ ଶ୍ରଦ୍ଧା,ପୁଷ୍ପ ଚୟ
ପ୍ରଷ୍ଫୁଟିତେ ଫୁଲ ପ୍ରଫୁଲ୍ଲ ସୈରଭେ 
                    ହୋଇଉଠୁ ମଧୂମୟ ।। 

0 Comments