OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ମାନପତ୍ର କଲା ବାଇ - ବଳରାମ ତରାଇ

ମାନପତ୍ର କଲା ବାଇ - ବଳରାମ ତରାଇ


ମାନପତ୍ର କଲା ବାଇ ରେ ମନୁଆ
ମାନପତ୍ର କଲା ବାଇ
ମାନପତ୍ର ପାଇଁ ମୋ କବିତା ଲେଖା,
ଲେଖା ନଜାଣଇ ମୁହିଁ ॥

କବିତା ଲେଖଇ ଚୋରି କରି ମୁଁ ଯେ
ମାନପତ୍ର ପାଇବାକୁ
ଟଙ୍କା ଦେଇ ମାନପତ୍ର ମୁଁ କିଣିବି
ଫେସବୁକରେ ଟାଙ୍ଗିବାକୁ ॥

ଯୋଗ୍ୟ ମାନେ ସବୁ ହେଲେଣି ଅଯୋଗ୍ୟ
ପାଇବାକୁ ମାନପତ୍ର
କିଣାବିକା ଚାଲେ ମାନପତ୍ର ଏଠି
ଟଙ୍କା କେଇଟାରେ ମାତ୍ର ॥

ସାହିତ୍ୟକୁ ପୁଣି କଳାବଜାରୀଟା
ଗଲାଣି ତ ପୁରା ଖାଇ
ସମ୍ମାନ ନମିଳେ ପ୍ରକୃତ କବିକୁ
ଅଯୋଗ୍ୟରେ ଆମେ ବାଇ ॥

ଅଣସାହିତ୍ୟିରୁ ସାହିତ୍ୟିକ ହେଲି
ମାନପତ୍ର ନେଲି ହାତେଇ
ସାହିତ୍ୟିକ ବୋଲି ବାହାସ୍ଫୋଟ ନେଇ
ମାନପତ୍ର ହେଲି ଦେଖେଇ ॥

କାହାକୁ କହିବା କିଏ ସେ ଶୁଣିବ
ଏହା ତ ଲଜ୍ଜ୍ୟାର କଥା
ସାହିତ୍ୟେ କଳଙ୍କ ଏହି ଗୋଷ୍ଠୀ ସଦା
ଏହା ନୁହଁଇ ଅନ୍ୟଥା ॥

ଏତିକି କାମନା କରୁଛି ଅଧମ
ସାହିତ୍ୟକୁ ଭଲପାଅ
ସମାଜର ହିତ ନିମନ୍ତେ ସାହିତ୍ୟ
ଅହିତ ଦୂରେଇ ଦିଅ ॥

Writer's Details: ବଳରାମ ତରାଇ, ଖୋର୍ଦ୍ଧା
Content Category:
Submission Date: Apr 22, 2019

0 Comments