ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ହେବି ମୁଁ ଦେଶ ସେବକ - କୌଶିକ କୁମାର ହୋତା

ହେବି ମୁଁ ଦେଶ ସେବକ - କୌଶିକ କୁମାର ହୋତା

ନୁହେଁ ମୁଁ ସୁବାଷ ନୁହେଁ ଗୋପବନ୍ଧୁ 
                         ନୁହେଁ ଗାନ୍ଧୀ ଜବାହର, 
ବାଳୁତ ପିଲା ମୁଁ ଦେଶ ସେବା ପାଇଁ 
                          ବଳାଇଛି ମନ ମୋର ll
ପାରିବିନି ଢାଳି ତାଙ୍କ ଭଳି ସିନା 
                           ଲହୁ,ଲୁହ ଦେଶ ପାଇଁ, 
ଗୁଣ୍ଡୁଚି ସାଜି ମୁଁ ଦେଶ ହିତ ଲାଗି 
                            କବିଟିଏ ଯିବି ହୋଇ ll
ପାରିବିନି ସିନା ମାଆ ଟେରେସାଙ୍କ 
                            ସେବା,ଶାନ୍ତି,ପ୍ରେମ ଦେଇ, 
ଲେଖନୀ ମୁନରେ ପାରିବିତ ଲେଖି 
                            ମୋ ମାଆ ଭାରତ ଭୂଇଁ ll
କୈଳାସ ସତ୍ୟାର୍ଥୀ, ବାଳିକା ମଲାଲା 
                             ହୋଇ ପାରିବିନି ସିନା, 
ତାଙ୍କରି ପଥକୁ ବରିତ ପାରିବି 
                              ଉଡାଇବି ଯଶ ବାନା ll
ଛୋଟ ହେଲେବି ମୁଁ ପ୍ରତିଜ୍ଞା କରୁଛି 
                               ହେବି ମୁଁ ଦେଶ ସେବକ, 
ବାଳୁତ ବାଜିଆ, ଭଗତ ହୋଇ ମୁଁ 
                                ରଖିବି ଦେଶର ଟେକ ll

କୌଶିକ କୁମାର ହୋତା, ନବମ ଶ୍ରେଣୀ,                         
କେରଳା ପବ୍ଲିକ ସ୍କୁଲ, ରାଇରଙ୍ଗପୁର, ମୟୁରଭଞ୍ଜ

0 Comments