ଏକ ଭିନ୍ନ ସ୍ଵର - ପ୍ରଫୁଲ୍ଲ ଚନ୍ଦ୍ର ମିଶ୍ର

ଏକ ଭିନ୍ନ ସ୍ଵର - ପ୍ରଫୁଲ୍ଲ ଚନ୍ଦ୍ର ମିଶ୍ର

ଖୋଲା କେଶକୁ ତୋ ଉଡାଇ ଦେଇକି
                      ମନ ମୋର କିଣି ନେଉଛୁ,
କାନ୍ଧକଟା,ପେଟକଟା ପିନ୍ଧି ସତେ
                     କେତେ ଯେ ସୁନ୍ଦର ଦିଶୁଛୁ    ।।
ବିନା ବସନ୍ତରେ ମଧୂର ମଳୟ
       ତୋ ଦେହ ମଧୂର ବାସନା,
ମଧୂର କଥାରେ ବଶ କରି ନେଲୁ
        ଆରେ ମୋ ନୀଳ ନୟନା  ।।
ହସିଲେ ଅଧରୁ ଜୋଛନା ଝରଇ
         ରାଗିଗଲେ ଆହୁରି ସୁନ୍ଦର,
ବାଙ୍କ ଚାହାଣୀ ତୋ କିମିଆଁ କରିଛି
                         ମନ ପ୍ରାଣ ହୁଏ ଅଧୀର    ।।
ମୋ ମନ ମୟୂରୀ ପାରୁନି ମୁଁ ଭୁଲି
                     ପ୍ରେମ କଥା ପଦେ କୁହନା,
ତୋ ପ୍ରିତୀ ସିନ୍ଦୁକ ସୁନା ଫରୁଆ ରେ
                            ଆଜି ମୁଁ ଭଅଁର ସିନା   ।।
ହସରୁ କବିତା ରାଗରୁ କବିତା
                          ଚାଲିରୁ କବିତା ଝରୁଛି,
ସତେକି ମୋହର ବୟସ ବୈଶାଖେ
                        ଏବେବି ବସନ୍ତ ଫେରୁଛି ? ।। 

0 Comments