OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

କବିତା ଗୋକୁଳକୁ ଆସିଅଛି - ବି.ନିରୁପମା

କବିତା ଗୋକୁଳକୁ ଆସିଅଛି - ବି.ନିରୁପମା



କପିଳା ଲୋ ତୁ କି ଡାକୁଥିଲୁ ମୋତେ
କରି ହମା ହମା ରଡ଼ି ,
ସଖାଙ୍କ ମେଳରୁ ଧାଇଁ ଆସିଛି ମୁଁ
ଖେଳକୁ ଅଧାରୁ ଛାଡ଼ି ।

ଦେଖେଇଲୁ ତୋର ଗଳ କମଳକୁ
ଆଉଁଶି ଦେବି ମୁଁ ଟିକେ ,
ଏମିତି କାହିଁକି ଛାନିଆ ହେଉଛୁ
ରହିଛୁ ତ ମାଆ ପାଖେ ।

କେଉଁ ବହୁରୂପୀ ଆସି ଛପିଛି କି
ତାକୁ ଦେଖି ଅଛୁ ଡରି ,
ନିଶ୍ଚିନ୍ତରେ ରହ କ୍ଷଣିକ ଭିତରେ
ପକାଇବି ତାକୁ ଧରି ।

ତୁମ ହିତ ଲାଗି ଗୋଲୋକ ଧାମରୁ
ଗୋକୁଳକୁ ଆସିଅଛି ,
ଜାଣିନାହୁଁ କି ତୁ ଗୋପାଳ ବେଶରେ
କେତେ ଦୁଷ୍ଟ ନାଶିଅଛି ।

ଶାନ୍ତହୋଇ ଏବେ ଘାସ ଚରୁଥାଆ
ଦେଖୁଛି ମୁଁ ତେଣେ ଖୋଜି ,
କେଉଁ ଛଦ୍ମବେଶୀ ଲୁଚି ରହିଅଛି
ପୂରିଛି ତା' କାଳ ଆଜି ।

ମାମୁରିଆ, ଛେଣ୍ଡିପଦା,ଅନୁଗୋଳ ।

0 Comments