ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ସପନ ଛୂଆଁ - ସୁଧାକର ସେଠୀ

ସପନ ଛୂଆଁ - ସୁଧାକର ସେଠୀ

ସପନ ସେ ଥିଲା ଆଖି ପଲକରେ
ହୋଇଛି ଆଜି ସତ
ତୁମ ଛୁଆଁ ସଖି ବଦଳି ଦେଇଛି
ମୋ ଜୀବନ ଗତିପଥ 

ଶୁଖି ଯାଇଥିଲା ମନର ରାଗିଣୀ 
ଭରି ଦେଲ ମୂର୍ଚ୍ଛନା 
ଲେଖିବା ଛାଡିଛି ମୋ ଜୀବନର
ଅତୀତର ସେ ଯନ୍ତ୍ରଣା 

କେତେ ଯେ ଯାଇଛି ଦିବସ ବିତି
ରାତିରାତି ଉଜାଗର 
ଆଖି ପଲକରେ ଦିଅ ନାହିଁ ଧରା
ତଥାପି ମନ ବ୍ୟାକୁଳ 

ସାଗରର ଜଳ ସାଇତି ହୃଦେ
ତଥାପି ପ୍ରବଳ ଶୋଷ 
ହୃଦର ଯନ୍ତ୍ରଣା ବିଳପୁଛି ପ୍ରାଣ 
ଖୋଜୁଥାଏ ତୁମ ପରଶ 

କାହିଁ କେତେ ଦୂର ଅଜଣା ରାଇଜେ
କଲ ତୁମେ ଆସି ଘର
ପଲକେ ଦିଶୁଛ ହଜି ପୁଣି ଯାଉଛ
ଜଗିଛି ବାଟ ତୁମର

ଜମ୍ବେଶ୍ବରପୁର, ବାଲେଶ୍ବର
    ୯୩୩୭୬୮୧୫୨୪

0 Comments