OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ପଖାଳ ମହିମା - ସଦାନନ୍ଦ ସାହୁ

ପଖାଳ ମହିମା - ସଦାନନ୍ଦ ସାହୁ

 ପଖାଳ କଂସାର ମହିମା ଅପାର 
    ଆହାର ମଧ୍ୟରେ ଶ୍ରେଷ୍ଠ 
ଉତ୍କଳପ୍ରଦେଶେ  ଜନମନେ ଭାସେ 
    ସ୍ଵାଦତା'  ବଳିଷ୍ଠ   ମିଷ୍ଠ ! ! 

 ବିରଳ ଏ'ଭୋଜ୍ୟ  ନିଆରା ମହକ 
      ସୁବାଷିତ  ତା'ର  ନୀର  
ଆତ୍ମ ତୃପ୍ତି ମିଳେ  ପଖାଳ ଭକ୍ଷଣେ 
     ଲୋଡା ନାହିଁ କ୍ଷୀର ସର   ! ! 

ପଖାଳର ମିତ   ଚଷାପୁଅ  ସତ 
      ଅତୁଟ ଭାବ ବନ୍ଧନ  
ରାତି ପାହିଗଲେ ପଖାଳ ସେ'ଭୁଞ୍ଜେ 
      ପଖାଳ  ଜୀବନ  ଧନ  ! !

ଧନୀକି  ଗରିବ ସବୁରି  ଆଦର 
      ପଖାଳ କଂସାରେ  ମନ 
ଉଦର  ଭଣ୍ଡାର  କରେ  ପରିପୂର୍ଣ୍ଣ 
       ବିତି ଯାଏ  ସାରା ଦିନ  ! ! 

ଲବଣ ବ୍ୟଞ୍ଜନ  ପଖାଳର  ଧନ 
      କେତେ ପୁଣି ଯତିପାତ 
ଶାଗଭଜା ସଙ୍ଗେ  ବଡ଼ିଟା ମହକେ 
     କଞ୍ଚାଲଙ୍କା   ବଡ଼ବିତ୍ତ   ! ! 

ଚୁନା ମାଛ ଭଜା  ମହୁରାଡି ଖଞ୍ଜା  
        ପଖାଳ ପରଶ ମଣି 
ଶୁଖୁଆ ବେସର  ଜମଇ  ଆସର 
      ଖଞ୍ଜିଦିଏ  ମାଆ ଜାଣି   ! ! 

 ବଡ଼ିଚୁରା ସଙ୍ଗେ  ପଖାଳ ମହକେ 
          ଆଳୁ ଭରତାରେ  ମନ   
ଝୁଡଙ୍ଗ  ବିଇନି  ମାଆ ଭାଜେ  ଜାଣି 
      ଭୁଞ୍ଜିବ ତା'  ଗଣ୍ଠିଧନ   ! !  

ହେ'ପଖାଳ ସରାଗୀ ଉତ୍କଳନିବାସୀ 
        ପାଳହେ'   ପଖାଳପର୍ବ 
ଵିଶ୍ଵ ଦରବାରେ  ଖ୍ୟାତି ଅର୍ଜିବାରେ 
        ବଢିବ ଆମ ଗୌରବ  ! ! 

ଗ୍ରୀଷ୍ମ ଅବକାଶେ  ପଞ୍ଚତାରକାରେ 
      ପଖାଳ  ଚାହିଦାବେଶି 
ନେତାକି ଅମଲା ସଭିଁଙ୍କ ସଦିଚ୍ଛା  
     ଭୁଞ୍ଜନ୍ତି ସରାଗେ  ହସି  ! ! 

ଏ'ଶୁଭ ଦିବସେ  ଭୁଞ୍ଜିବା ସରବେ 
       ପଖାଳର  ଗାଥାଗାଇ 
ପୁରୁଣା ବିଭବ  ଆମରି ଐତିହ୍ୟ 
      ଭୁଲିବାନି କେବେ ଭାଇ   ! ! 

ପଖାଳ ଦିବସ  ମହିମା ଅଶେଷ 
     ଓଡ଼ିଆ   ଜାତିର ମାନ 
ମାର୍ଚ୍ଚ ମାସର ଏ'କୋଡିଏ  ତାରିଖ 
     ପାଳିବା  ପରବ ଧନ  ! ! 
@ @ @ @ @ @ @ @ @ @ 
ସଦାନନ୍ଦ ସାହୁ ,  (କାରା କର୍ମଚାରୀ )
କେନ୍ଦ୍ରୀୟ କାରାଗାର , କଟକ , ଚୌଦ୍ଵାର  !

0 Comments