ଲେଖନୀ - ନାରାୟଣ ଚନ୍ଦ୍ର ସେନାପତି

ଲେଖନୀ - ନାରାୟଣ ଚନ୍ଦ୍ର ସେନାପତି

⛑ଧରିଲି ମୁଁ ଯେବେ ଖଡି
  ମାଟି ସିଲଟରେ ମୁଣ୍ଡୁଳା ବୁଲାଇ
   ଲେଖିଲି ଘଡିକି ଘଡି।
⛑ଧରିଲି ମୁଁ ମାଳି ସିଲଟ
  ମା' ମା' ଆଉ କେତେ କ'ଣ ଲେଖି
  ଗଣିଲି ସଂଖ୍ୟାକୁ ଝଅଟ।
⛑ଧରିଲି ମୁଁ ଗୋଟେ ପେନ୍ ସିଲି
  ଅକ୍ଷର,ଶବଦ କେତେ କ'ଣ ଲେଖି
  ରବରେ ଲିଭାଇ ଠିକ୍ କଲି।
⛑ବାପା ଆଣିଦେଲେ କଲମ
 ଦୁଆତ କାଳିକୁ ଡ୍ରପରେ ପୁରାଇ
 ଲେଖିଲି କେତେ ଯେ ରକମ।
⛑ବଜାରୁ କିଣିଲି ଡଅଟ
 ପରୀକ୍ଷା ଖାତାରେ ମନ ହରଷରେ
 ଲେଖିଲି ଉତ୍ତର ଝଅଟ।
⛑ମିଳିଗଲା ପେନ୍ ହାଇଟେକ୍
 ଅଳପ ଲେଖିଲି ସାଇନ୍ ମାରିଲି
 କରିଲି ସେଥିରେ ଚେଏକେ।
⛑ଧରିଲି ମୁଁ ଏକ ପ୍ରିଣ୍ଟର
 କମ୍ପ୍ୟୁଟରେ ଅବା ମୋବାଇଲ୍ ହେଉ
 ଟିପି ଲେଖୁଅଛି ଅକ୍ଷର।
⛑ମୂରୁଖ ଲୋକଟେ ଦେଖିଲା
 ମୋ ମୁହଁକୁ ବଲବଲ ଚାହିଁଲା
             କହିଲା
ଧନ୍ୟ ହେ ପାଠୁଆ ପଢିଛ
ପାଠ ପଢି ଟିପେ ଲେଖୁଛ
ମୁଁ ମୂରୁଖଟା ଟିପ ଦେଲାବେଳେ
ପରିହାସ କିଆଁ କରୁଛ?
⛑ମୋ ବାପା ଦେଖୁଥିଲେ ଏସବୁ
 ଦେଖାଇଲେ ତାଙ୍କ ଲେଖା ସବୁ
 କହିଲି ବାପା କି ସୁନ୍ଦର!
 କେଉଁଥିରେ ଲେଖା ତୁମର!
      ବାପା କହିଦେଲେ,
ତାଳପତ୍ର ଆଉ ଭୂର୍ଜପତରରେ
ଲେଖନୀ ମୂନର ସ୍ୱାକ୍ଷର।

        ନାରାୟଣ ଚନ୍ଦ୍ର ସେନାପତି
            ଜମ୍ଭରା,କେନ୍ଦୁଝର
           

0 Comments