ଆଉ ଦୁଇ ଟଙ୍କା କଅମ କରୁନ
ଦୁଇଟା ପଇଡ଼ ନେବି ,
ଶୁକୁଟାକୁ ମୋର କାଲି ଠାରୁ ଜର
ନେଲେ ପିଇବାକୁ ଦେବି ।

ଡାକତର ପାଖେ ଦେଖେଇକି ତାକୁ
ଅଉଷଧ ଦେଲି କିଣି ,
ଏଇତକ ଯାହା ପଇସା ବଳିଛି
ଦେଖୁନ ଦେଉଛି ଗଣି ।

ଅନ୍ୟ ଘରେ ନିତି ପାଇଟି କରିକି
ଆଣୁଅଛି ଯାହା ଧନ ,
ସେଇଥିରେ ପୂରା ପରିବାର ଚଳେ
ଗେରସ୍ତ ରୋଗୀଣା ଜନ ।

ସରକାରଙ୍କର ସାହାଯ୍ୟ ବି କିଛି
ମିଳୁଅଛି ଚଳିବାକୁ ,
ତଥାପି ନିଅଣ୍ଟ ହୁଏ ବେଳେବେଳେ
କହୁନାହିଁ ଭଳିବାକୁ ।

ସତ କଥା ଇଏ ମୋର ତେଲ ଲୁଣ
ସଂସାର ଚଳଣି ଯାହା ,
ଆଜି ଉପକାର କରିଥିଲେ-କାଲି
ତୁମକୁ ଯେ ହେବ ସାହା ।

ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ