ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଢ଼କଢ଼କ ପିଉ ନୀର - ପ୍ରଣତି ମହାପାତ୍ର

ଢ଼କଢ଼କ ପିଉ ନୀର - ପ୍ରଣତି ମହାପାତ୍ର

ଉତ୍କଳ ସନ୍ତାନ ଗରବେ ମୁଁ କହେ
ପ୍ରିୟ ଭାରି ମୋ ପଖାଳ,
ଉଦର ପୋଷଣେ ଚିନ୍ତା ତ ନଥାଏ
ମିଳଇ କେତେ ସୁଫଳ।
ରାତି ପାହିଗଲେ ହାଣ୍ଡିରୁ ଢାଙ୍କଣା
ଖୋଲିଲେ ବାସ ଚହଟେ,
ବାଇଗଣ ପୋଡା ରସୁଣ ଲଙ୍କାରେ
ଛେଚାର ସୁଆଦ ଛୁଟେ।
ସାରୁ ଛେଚା,ବଢିଚୁରା,ଶାଗଭଜା
ଅମୃତ ଲାଗଇ ଆହା,
ସୋରିଷ ତେଲର ଆଳୁ ଚକଟାଟା
ନ ଥାଉ ପଛକେ ଯାହା।
ପେଟେ ପଖାଳକୁ ବାଡେଇ ଦେଇଣ
ଯେଝା କାମେ ଯା'ନ୍ତି ଯିଏ,
ସବୁଦିନ ଆମେ ପଖାଳ ଦିବସ
ଘରେ ପାଳୁଥାଉ କହେ।
ଲାଜ କି ଲାଗିବ ପଖାଳ ପାଇଁ କି
ଘରେ ଘରେ ତା ଆଦର,
ଭାତ ଖାଇଦେଇ ବେଲା ଟେକିଦେଇ
ଢକଢକ ପିଉ ତା ନୀର।