ଦାସ ଡାକ ଶୁଣ ଦୀନବନ୍ଧୁ - ପ୍ରଫୁଲ୍ଲ ଚନ୍ଦ୍ର ମିଶ୍ର

ଦାସ ଡାକ ଶୁଣ ଦୀନବନ୍ଧୁ - ପ୍ରଫୁଲ୍ଲ ଚନ୍ଦ୍ର ମିଶ୍ର


ଦୀନ ଦୁଃଖୀ ଦୁଃଖ ଦେଖି ଦାମୋଦର
                                    ଦୟାର୍ଦ ହୃଦୟ ତୁମ
ଦ୍ରବିଯାଏ ନାହିଁ ଦୟାସାଗର ହେ
                                   ଦେଖୁଛ ଚକାନୟନ   ।।
ଦାରୁଣ କଷଣ ଦୁଃଖୀ ଜନ ମନ
                                    ଦଳିଦିଏ ଦୟାନିଧି
ଦୟା ସିନ୍ଧୁ ଦୀନବନ୍ଧୁ ମହାବାହୁ
                              ଦେଇଛ ଦୁଃଖ ରେ ବାନ୍ଧି   ।।

ଦିନ ରାତି ଦୀନ ଦଇତାରୀ ନାମ
                               ଦେବପଥ ଦେଖି ଦେଖି 
ଦୀପ ଦାନ କରି ଡାକଇ ଶ୍ରୀହରି
                               ଦେଖୁନ ତେବେ ବି କିଛି   ।।
ଦୋଳାୟମାନ ଜୀବନ ନେଇ ପ୍ରାଣ
                               ଦେହୁଡୀ ମୁହଁରେ ବସି
ଦେଖ ଜନାର୍ଦ୍ଦନ ଦେବକୀନନ୍ଦନ
                               ଦୁର୍ଦ୍ଧର ଦୁଃଖ ଭୋଗୁଛି   ।।

ଦୁରୂହ ଦୁର୍ଗତି ଦିଅ ଲକ୍ଷ୍ମୀ ପତି
                               ଦେଵାଲିଆ କରିଦିଅ
ଦୁରୁଦଣ୍ଡ ଏତେ ଦିଅ କିଆଁ ସତେ
                               ବଡ଼ ଦେଉଳିଆ ଦିଅଁ   ।।
ଦହି ହୁଏ ମନ ଦୁର୍ବାର ଜୀବନ
                          ଦୁଃସହ ହେଲାଣି ଆସି
ଦୟାକରି ଦୀନେ ଦୀନବାନ୍ଧବ ହେ
                        ଦଳି ଯେତେ ଦୁଃଖ ରାଶି   ।।

ଦିନାର୍ତ୍ତନାଶନ ଦୟା ସିନ୍ଧୁ ବନ୍ଧୁ
                               ପ୍ରଫୁଲ୍ଲ ବିକଳ ଶୁଣି
ଦେଖାଦେଇ ଦୁଃଖ ହରିବ ,ତୋ ପଦ
                          ଦାସ, ଡାକେ ନୀଳମଣି   ।।

ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା

0 Comments