ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବ୍ୟଙ୍ଗ କବିତା - ଚିଠି - ରମେଶ ଚନ୍ଦ୍ର ମିଶ୍ର

ବ୍ୟଙ୍ଗ କବିତା - ଚିଠି - ରମେଶ ଚନ୍ଦ୍ର ମିଶ୍ର

   
ସମ୍ପାଦକ ବନ୍ଧୁ ହେ,
ମୋତେ ସମ୍ବର୍ଦ୍ଧନା ଗୋଟେ ଦେବ କି କୁହ  
ରଚନା ମୋହର ଥାଉ କି ନଥାଉ
   କବି ଜଗତରେ ଚିହ୍ନାଇ ଦିଅ ।(୦)

କେତେ ଟଙ୍କା ଦେବି ମୁଁ କୁହ
                ଉପାଧୀଟେ କରାଇଦିଅ
ନେଲେ ନିଅପଛେ ହଜାରେ ଦି'ଚାରି
    ମାନ ମୋର ଟିକେ ବଢାଇ ଦିଅ ।(୧)

ତା ନହେଲେ ଅତିଥି କରି
     ଆସନଟେ ଦିଅ ହେ ପାରି
ଚାନ୍ଦା ଦେବାରେ ମୁଁ ନୁହଁଇ କୃପଣ
       ଥରେ ଖାଲି ମୋର ପରୀକ୍ଷା ନିଅ ।( ୨)

କଥା ସିନା ଜାଣେନା କହି
      ଛାପିନାହିଁ ଖାଆସ୍ ବହି
ବଡଘର ପିଲା, ବଡପଣ ମୋର
         ମୋ ହାତରେ ହାତ ମିଳାଇ ଦିଅ ।(୩)
 
ତାପସ କୁଟୀର, ବଇଣ୍ଡା, ଅନୁଗୋଳ ।