ଅଧୁରା ସପନ କଥା - ସିଦ୍ଧେଶ୍ୱର ତ୍ରିପାଠୀ

ଅଧୁରା ସପନ କଥା - ସିଦ୍ଧେଶ୍ୱର ତ୍ରିପାଠୀ

ଅଧା ରାତିରେବି ମନେ ପଡ଼ିଯାଏ
ଅଧୁରା ସପନ କଥା
ହସ ବାଣ୍ଟୁଥିବା ନିଆରା ଓଠର
ନିଖୋଜ ଓ ନୀରବତା ।

ଜହ୍ନକୁ ଦେଖିଲେ ଲାଜ ଲାଗେ ମୋତେ
ପାରେନି ମୁଁ ତାକୁ ଚାହିଁ
କାଳେସେ ଜହ୍ନରେ ତୋ ମୁହଁ ପାଖରେ
ଦିଶୁଥିବ କାହା ଛାଇ ।

ସାରା ଜୀବନକୁ କେବେ ଥମିବନି
ଏ ଛାତି ତଳର ବ୍ୟଥା
ଅଧା ରାତିରେବି ମନେ ପଡ଼ିଯାଏ
ଅଧୁରା ସପନ କଥା ।

ଦେଖେଇ ଥିଲୁତୁ ସାତ ରଙ୍ଗ ମଖା
ଇନ୍ଦ୍ରଧନୁର ସେ ଛବି
ଜୀବନ ଟା ସାରା କୁହୁଳୁ ଥିବିମୁଁ
ସେଇ ଛବି କଥା ଭାବି ।

ଆଉକା ହାତର ସିନ୍ଦୂର ପରସେ
ସୁନ୍ଦର ଦିଶେ ତୋ ମଥା
ଅଧା ରାତିରେବି ମନେ ପଡ଼ିଯାଏ
ଅଧୁରା ସପନ କଥା ।

0 Comments