"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

କଣ୍ଢେଇକୁ ଭାରି ଜର - ବି. ନିରୁପମା

କଣ୍ଢେଇକୁ ଭାରି ଜର - ବି. ନିରୁପମା


ମୋଅ କଣ୍ଢେଇକୁ ଜର ଧରିଅଛି
ତାତିରେ ଫୁଟୁଛି ଖଇ ,
ଯାହା ଖୋଇଲେ ବି କିଛି ଖାଉନାହିଁ
ଦେଖ ଡାକତର ଭାଇ ।

ଶୀତ କାକରରେ ଭିଜିଥିଲା କାଲି
ସାଥେ ଦେଖୁଥିଲା ମେଳା ,
ଗରମ ପୋଷାକ ପିନ୍ଧେଇ ନ ଥିଲି
ହୋଇଥିଲା ଟିକେ ହେଳା ।

ଭଳି ଭଳି କେତେ ଜିନିଷ ଦେଖିଲୁ
ଖେଳିଲୁ ଚକିରି ଦୋଳି ,
ଛୁକୁ ଛୁକୁ ଛୁକୁ ରେଳଗାଡ଼ି ଚଢ଼ି
କିଣିଲୁ ଟିକିଲି ,ମାଳି ।

ବାପା,ବୋଉ ସାଥେ ସୁବିଧାରେ ବୁଲି
ଖୁସିରେ ଫେରିଲୁ ଘର ,
ଆଜି ଏଇଲାଗେ ଦେଖିଲା ବେଳକୁ
କଣ୍ଢେଇକୁ ଭାରି ଜର ।

ଭଲକରି ତାକୁ ପରୀକ୍ଷା କରିକି
ଦିଅ ଅଉଷଧ କିଛି ,
ତାହା ହେଲେ ଯାଇ ଦୂର ହେବ ସିନା
ତା' ପାଇଁ ଯା' ଚିନ୍ତା ଅଛି ।।

ବି. ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ

0 Comments