OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ହସିବ କୃଷକ ଜାତି - ବି. ନିରୁପମା

ହସିବ କୃଷକ ଜାତି - ବି. ନିରୁପମା


କେଏଁ କଟ କଟ ବଳଦ ଗାଡ଼ି,
ପାଚିଲା ଧାନକୁ ଯତନେ ଭିଡ଼ି-
ଚାଲିଛି ଭଗିଆ ଭାଇ ;
କାଳିଆ-କସରା ଦୁହିଁଙ୍କୁ ଘଉଡ଼ି
ଆନନ୍ଦରେ ଗୀତ ଗାଇ ।

ଅକ୍ଷୟ ତୃତୀୟା ତିଥିରେ ପୁଣି,
କ୍ଷେତରେ ସେ ଧାନ ଥିଲାଟି ବୁଣି-
ମନେ ଭରି ନୂଆ ଆଶ ;
ବରଷା ଋତୁରେ ବେଉଷଣ କଲା
ଧାନରୁ ବାଛିଲା ଘାସ ।

ଖତ ସାର ଦେଇଥିଲା ସେ କ୍ଷେତେ,
ଫଳିଗଲା ଧାନ ଯାହାକୁ ଯେତେ-
ସୁନା କେଣ୍ଡା କେରିକେରି ;
ପାଚିଗଲା ପରେ ଆଣୁଅଛି ଏବେ
ହାତେ କାଟି ଦାଆ ଧରି ।

ଚାଷୀଟିଏ ବୋଲି ନାହିଁ ତା' ଦୁଃଖ,
"ପାରୁଛି ମେଣ୍ଟାଇ ଅନ୍ୟର ଭୋକ-
ସବୁରି ସେ ଅନ୍ନଦାତା ;"
ସଭିଙ୍କ ଆଗରେ ହସି ହସି କହେ
ଭଗିଆ ଭାଇ ଏ କଥା ।

କଥାଟି ତାହାର ନିରାଟ ସତ,
ଯୋଗାଉଛି ସିଏ ଆମକୁ ଭାତ-
ମାଟି ସଙ୍ଗେ ହୋଇ ମାଟି ;
ତା' ଉନ୍ନତି ହେଲେ ଦେଶ ଆଗେଇବ
ହସିବ କୃଷକ ଜାତି ।

ବି. ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ

0 Comments