"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଚମକି ଉଠେ ରେ ଛାତି - ପ୍ରଫୁଲ୍ଲ ଚନ୍ଦ୍ର ମିଶ୍ର

ଚମକି ଉଠେ ରେ ଛାତି - ପ୍ରଫୁଲ୍ଲ ଚନ୍ଦ୍ର ମିଶ୍ର


ବାହାରେ ବରଷା ରାତି
ଚମକି ଉଠଇ ଛାତି
ସୈାଦାମିନୀ ନାଚେ ଦେଖ ସାଥି
ବରଷାର ରିମି ଝିମି
ପାଉଁଜି ଶବଦ ଶୁଣି
ସତେ ଚହଲି ଯାଉଛି ଧ୍ୟାନ ଧୃତି  ।।

ରଡିଛାଡେ ଘଡଘଡି
ରାତି ତ ଯାଉଛି ଗଡ଼ି
ବର୍ଷା ଗାଉଛି ବିଚ୍ଛେଦ ଗୀତି
ଆଖି ପାଣି ଆଖି ମାରେ
ହୃଦୟରେ ନିଆଁ ଜଳେ
ଏଇ ମନ ତଳେ କାମନାର ତାତି   ।।

ଏକାଳେ ଏକା କୁଟୀରେ
କେତେ ଆଶା ଏ ମନରେ
କିଏ ଗାଏ ପ୍ରଣୟ ର ଗୀତି
ଆଶା ବିଶ୍ଵାସ ର ବୀଣା
ହୃଦୟ ତନ୍ତ୍ରୀ ରେ ଅନା
କିଏ ଭରିଦେଇଅଛି ଏତେ ତାତି  ।।

ବାଉଳା ହେଲାଣି ମନ
ଆସ ଆସ ଜୀବଧନ
ରସେ ରସୁ ଗୋ ବରଷା ରାତି
ମୋ ଜୀବନର ସାଥି
ଯୁଗ ଯୁଗାନ୍ତର ପ୍ରୀତି
ସତ୍ୟ ଶାଶ୍ଵତ ତୁମେ ମୋ ପ୍ରୀୟବତୀ  ।।

ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା

0 Comments