ଅମର ଆକର୍ଷଣ - ସିଦ୍ଧେଶ୍ଵର ତ୍ରିପାଠୀ


ମୋପରି ତୋତେ କୋଟିଏ ମିଳିବେ
ତୋପରି ଗୋଟିଏ ତୁ
ଭଲ ପାଉଥିଲି ଆଜିବି ପାଉଛି
କେବେ ଭୁଲିବିନି ମୁଁ ।

ସାରା ଦୁନିଆରେ ତୁ ନିଆରା ବୋଲି
ସାଇତିଲି ମନେ ମୋର
ଗହନ ରାତିରେ ବହୁଦୂରେ ଥାଇ
ଦେଲୁ ପ୍ରେମ ଉପହାର ।

କଣ୍ଢେଇଲୋ ତୋତେ ନଦେଖି ଝୁରିଛି
କହିନାହିଁ ମୋତେ ଛୁଉଁ
ମୋପରି ତୋତେ କୋଟିଏ ମିଳିବେ
ତୋପରି ଗୋଟିଏ ତୁ - - - - - - 

ପରିବର୍ତ୍ତନର ପରିଧି ଭିତରେ
ବଦଳିଗଲା ତୋ ରୂପ
ତୋ ଭାଗ୍ୟରେ ଥିଲା ସୁହାଗ ସିନ୍ଦୂର
ମୋ ପାଇଁକି ଅଭିଶାପ ।

ତୁ'ବି ମୋ ପାଇଁ ନିଶ୍ଚୟ ଝୁରିବୁ
ଯେମିତି ଝୁରୁଛି ମୁଁ
ମୋପରି ତୋତେ କୋଟିଏ ମିଳିବେ
ତୋପରି ଗୋଟିଏ ତୁ ।

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

0 Comments