ଆମେ ପରାଧୀନ - ସସ୍ମିତା ସାହୁ

ଆମେ ପରାଧୀନ - ସସ୍ମିତା ସାହୁ


ସ୍ୱାଧୀନତା ଦିନ ପାଳୁ ସିନା ଆମେ
ଆଜି ଯାଏଁ ପରାଧୀନ,
ନାଁ କୁ ତ୍ରିରଙ୍ଗା ଉଡ଼ାଉଛୁ ସତ
କରିବାକୁ ସନମାନ =୧ =

ଅସଲ ମାନେ ଟି ବୁଝି ନାହୁଁ ଆମେ
କରୁ ଖାଲି ଆମେ ନାଟ ,
ଲୋକଦେଖାଣିଆ ଦେଶ ଭକ୍ତି ଆମ
ସୃଷ୍ଟି କରୁ ନାନା ଫ।ଟ =୨=

କଥା କହିବାର ସ୍ୱାଧୀନତା ନାହିଁ
ସତ କହିଲେ ବି ଦଣ୍ଡ ,
ମିଛରେ ମିଛରେ ବଞ୍ଚିଛୁ ଯାହା ଆମେ
ସବୁ ତ ଏ ଦେଶେ ଭଣ୍ଡ =୩=

ଭ୍ରଷ୍ଟାଚାର ରେ ଦେଶ ଉବୁଟୁବୁ
ଚୋରି ନାରୀ ଘରେ ଘରେ,
ଖାଇବାକୁ ଗଣ୍ଡେ ପାଉ ନାହିଁ ମାଆ
ଭିକ ମାଗେ ଦ୍ୱାରେ ଦ୍ୱାରେ =୪=

ପିନ୍ଧିବାକୁ ଖଣ୍ଡେ କନା ପାଉ ନାହିଁ
ଉଲଗ୍ଣରେ ବୁଲେ ଛୁଆ,
ଶିଶୁ କନ୍ୟା ଏଠି ଯୌନ ଯନ୍ତ୍ରଣାରେ
ଶୋଷିତ ହେଉଛି ଯାହା =୫ =

ନାରୀ ସଦା ଏଠି ନିର୍ଯାତିତ ହୁଏ
ନୁହେଁ ଜମା ସୁରକ୍ଷିତ,
ଶତ୍ରୁ ତାର ପଛେ ପଡି ରହି ଅଛି
ଗର୍ଭରୁ କରେ ନିପାତ =୬=

ଶିକ୍ଷା ଏଠି ଖୋଲା ବିକ୍ରି ହେଉଛି
କିଣୁଛନ୍ତି ଟଙ୍କାଧାରୀ,
ସେବା ନାମେ ଏଠି ଭଦ୍ରମୁଖା ମାନେ
ଲୁଟୁଛନ୍ତି ମନ ଭରି =୭=

ଶାସକ ଏଠାରେ ଅନ୍ଧ ଆଉ ମୁକ
ପ।ଲିଟିଛି ଜାଣି ଶୁଣି,
ବଧିର ସାଜି ସେ ଅଭିନୟ କରେ
ସବୁକିଛି ଜାଣି ପୁଣି  =୮=

ତୁମ ଠାରୁ ଭଲ ଶତ ଗୁଣେ ସେହି
ଗୋରା ବିଦେଶୀ ଶାସକ,
ଘର ଢ଼ିଙ୍କି ଆମ କୁମ୍ଭୀର ଅଟଇ
ଯାହା ଅଛି ଜ।ଣ ଲେଖ  =୯ =

ଦିନ ଦୁଖୀରଙ୍କି ଅଭାବୀ ମଣିଷ
ଘ।ଣ୍ଟି ଯାହା ମରେ ଏଠି,
ବାକି ସବୁ ଏଠି ଯାହା ଲୁଟୁଛନ୍ତି
ସମୟ ସୁବିଧା ଦେଖି  =୧୦=

ନିଜ ମାତୃଭାଷା କହିବାକୁ ଏଠି
ଲୋକଙ୍କୁ ଲଜ୍ଜା ଲାଗେ,
ନିଜ ସଂସ୍କୃତି ଓ ପରମ୍ପରାକୁ
ଭୁଲିବାକୁ ସିଏ ଆଗେ  =୧୧ =

ପାପର ପଙ୍କରେ ଭଲ ମଣିଷ ଯାହା
ଏହି ଦେଶେ ଘ।ଣ୍ଟି ହୁଏ,
ଦିଗ ହରା ହୋଇ ପ୍ରଭୁଙ୍କ ଶରଣେ
ନିଜକୁ ସମର୍ପି ଦିଏ  =୧୨=

ସସ୍ମିତା ସାହୁ, ନାଶିକ, ମହାରାଷ୍ଟ୍ର

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।