OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ତୋତେ ମୋତେ ସିନା ଜଣା - ବି. ନିରୁପମା

ତୋତେ ମୋତେ ସିନା ଜଣା - ବି. ନିରୁପମା


ତୋ ମୋ ଭିତରେ ଯେଉଁ ଭାବ ଅଛି
ତୋତେ ମୋତେ ସିନା ଜଣା ,
ଆଉ କା' ନଜରେ ଧରାପଡ଼ିଗଲେ
ଅପବାଦେ ହେବ ଗଣା ।(୦)

ଶୟନେ ସପନେ କିବା ଜାଗରଣେ
ନାଚୁଥାଏ ତୋର ମୁହଁ ,
ଭୋକ,ଶୋଷ ଭୁଲି ,ଭାଳୁଥାଏ ଖାଲି
ସତେ ତୁ ମୋର କି ନୁହଁ ;
କିବା ଆଉ କାହା ପାଶେ ମନଦେଇ
କରୁଅଛୁ ମୋତେ ବଣା ।(୧)
ଅପବାଦେ ହେବ ଗଣା...

ତୋ ମୋ ଭିତରେ ଯେଉଁ ଭାବଅଛି
ତୋତେ ମୋତେ ସିନା ଜଣା ,
ଆଉ କା' ନଜରେ ଧରାପଡ଼ିଗଲେ
ଅପବାଦେ ହେବ ଗଣା ।

ଶୁଣିଛି ମୁଁ ତୋର ଭାବରେ ପଡ଼ିଲେ
ଏମିତିକା ଦଶା ହୁଏ ,
ନିନ୍ଦା,ଅପବାଦ, ଉଲୁଗୁଣା ଯେତେ
ସହି ସହି ଦିନ ଯାଏ ;
ତଥାପି ମୁଁ ତୋତେ ମନ ଦେଇଅଛି
ବୁଦ୍ଧି ମୋ ହୋଇଛି ବଣା ।(୨)
ଅପବାଦେ ହେବ ଗଣା...

ତୋ ମୋ ଭିତରେ ଯେଉଁ ଭାବ ଅଛି
ତୋତେ ମୋତେ ସିନା ଜଣା ,
ଆଉ କା' ନଜରେ ଧରାପଡ଼ିଗଲେ 
ଅପବାଦେ ହେବ ଗଣା ।।

ବି. ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ

0 Comments