OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ଶ୍ରାବଣ ଓ ବର୍ଷା - ଶୁଭଶ୍ରୀ ମହାରଣା

ଶ୍ରାବଣ ଓ ବର୍ଷା - ଶୁଭଶ୍ରୀ ମହାରଣା


ବର୍ଷା ତୁମ କାଉଁରୀ ସ୍ପର୍ଶରେ
ମାଦକତା ଏମିତି ଭରିଛି
ଶ୍ରାବଣର ମାନସପଟରେ
ଚାରୁ ଚିତ୍ର ଆଙ୍କି ସେ ଦେଉଛି।

ଅପେକ୍ଷାରେ ଥିଲା ଯେ ଶ୍ରାବଣ
ମନ ତଳେ ଶୃଙ୍ଗାର ରଚୁଛି
ପ୍ରେମାପ୍ଲୁତ ଶୋହାଗ ବନ୍ଧନେ
ବାନ୍ଧିବାର ପ୍ରୟାସ କରୁଛି।

ବର୍ଷା ତୁମ ମଧୁ ମୂର୍ଚ୍ଛନାରେ
ସୁମଧୁର ସଙ୍ଗୀତ ଶୁଭୁଛି
'ତୁମକୁ ମୁଁ ଭଲପାଏ' ବୋଲି
ଶ୍ରାବଣର କାନରେ କହୁଛି।

ଯନ୍ତ୍ରଣାକୁ ଭୁଲିଛି ଶ୍ରାବଣ
ପାଖରେ ତା' ବର୍ଷାକୁ ପାଇଛି
ବର୍ଷା ତା'ର ପ୍ରେମୀ ଶ୍ରାବଣର
ଜଖମରେ ପ୍ରଲେପ ଲେପିଛି।

ବର୍ଷା ତୁମ ବର୍ଣ୍ଣାଢ୍ୟ ବେଶରେ
ଶିହରଣ ଏମିତି ଖେଳୁଛି
ଶ୍ରାବଣର ସ୍ନାୟୁର ତନ୍ତ୍ରୀରେ
ସମ୍ମୋହନ ବାର୍ତ୍ତା ବାଣ୍ଟୁଅଛି।

ଆତ୍ମହରା ହେଉଛି ଶ୍ରାବଣ
ସମ୍ପର୍କର ମାନେ ସେ ବୁଝିଛି
ଧୂଆଁଳିଆ ବରଷା ଛାତିରେ
ସପନର କୋଣାର୍କ ଗଢିଛି।।

ଶୁଭଶ୍ରୀ ମହାରଣା, ଶିକ୍ଷୟିତ୍ରୀ, ବିଡାନାସୀ, କଟକ

1 Comments

  1. ଖୁବ୍ ସୁନ୍ଦର। ଅନ୍ୟ ସୃଷ୍ଟି ବି ଏଠାରେ ପୋଷ୍ଟ କରନ୍ତୁ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।