ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ନାରୀ ମାଂସ ଲୋଭୀ - କେ. ନିର୍ମଳ

ନାରୀ ମାଂସ ଲୋଭୀ - କେ. ନିର୍ମଳ


ଏ କଳି ଯୁଗରେ ପାପୀ ମାନେ ଏଠି
କରୁଛନ୍ତି ଅତ୍ୟାଚାର,
ଆୟୁଷ ତୋ ଏଠି ବେଶି ଟପୁନାହିଁ
ପଚାଶ ବୟସେ ମର ।।

 ରାଜ ରାସ୍ତା ପରେ ଚାଲି ପାରୁ ନାହିଁ
ଆଜିର ଅବଳା ନାରୀ,
ନାରୀ ମାଂସ ଲୋଭୀ ଝୁଣି ଚାଲିଛନ୍ତି
ଶାଗୁଣା ବିଲୁଆ ପରି ।

ଧିକ୍ ତୋ ଜନମ ମଣିଷ ପଣିଆ
ରାକ୍ଷସ ଭାବରେ ସୃଷ୍ଟି,
ବାଟେ ଚାଲୁଥିବା ନାରୀ ମାନଙ୍କୁ
ରଖୁଛି ଖରାପ ଦୃଷ୍ଟି ।।

ସେହି ନାରୀ କୋଳେ ଜନମ ହେଇଛୁ
ଭୁଲିଗଲୁ କି ତୋର ମନେ,
ଯେବେ ତୋ କୋଳରେ ଝିଅଟିଏ ହେବ
ଭାବିବୁ ତୁ ସେହି ଦିନେ ।।

କେ. ନିର୍ମଳ 
ବାସୁଦେବପୁର, ଭଦ୍ରକ (ଜଗନ୍ନାଥି)

0 Comments