OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ମାମୁଁ ଥିଲେ ପଠେଇ - ବି. ନିରୁପମା

ମାମୁଁ ଥିଲେ ପଠେଇ - ବି. ନିରୁପମା


ସାନମାମୁଁ ସୋନା ପାଇଁ
         ଦେଇଥିଲେ ପଠେଇ ,
ଜାଣିଥିଲେ ତା' ପସନ୍ଦ
        ରସଗୋଲା, ମିଠେଇ ।

 ମୁହଁ ହାତ ଧୋଇ ସୋନା
        ଗୋଟେ ଗୋଟେ ଖାଇଲା,
  ଗପ ବହି ପଢୁ ପଢୁ
             ଚୁପଚାପ ଶୋଇଲା  ।

ମୋନା ଆସି ଦେଖିଦେଲା
                ଏତେ ମିଠା ରହିଛି ,
ଏକ,ଦୁଇ ଖାଉ ଖାଉ
                 ମନଭରି ଖାଇଛି ।

     ପେଟପୂରା ଖାଇସରି
            ତୁନି ହୋଇ ଶୋଇଲା,
  କିଛି ବେଳ ପରେ ଖାଲି
          ବାଉଳି ସେ ହୋଇଲା ।

ପେଟ ତା'ର କାଟିହେଲା
                ଭେଏଁ ଭେଁ କାନ୍ଦିଲା,
 ସତ କି ମିଛ କହିବ
              ମନେ ମନେ ପାଞ୍ଚିଲା ।

  ବାପା, ମାଆ ନେଇଗଲେ
                ଡାକତର କତିକି,
 କହିଦେଲା ଘରେ ମିଠା
             ଖାଇଥିଲା ଯେତିକି ।

ଶୁଣିକରି ଡାକ୍ତର ତା'
              ଚିକିତ୍ସାଟି କରିଲେ ,
ବୁଝାଇ ଶୁଝାଇ କରି
             କେତେ କଥା କହିଲେ ।

 "ଖାଇବନି ଲୋଭକରି
               ମିଠା କେବେ ଏମିତି,
 ଶରୀରର କ୍ଷତି ପୁଣି
                   କରିବନି ଯେମିତି ।

ତେଲଛଣା ଚିଜ ତୁମେ
                   ଘରେ କରି ଖାଇବ,
ବେଶୀ ନୁହେଁ ପେଟ ଟିକେ
             ଫାଙ୍କା ଯେହ୍ନେ ରହିବ ।

  ଡାକ୍ତରଙ୍କ କଥା ଶୁଣି
            ମୋନା ହଁ ଭରିଲା,
  କଥାଟିକୁ ମନେ ରଖି
             ପାଳନ ସେ କରିଲା ।।

ବି. ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ

0 Comments