OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

କିଏ ପୋଛିବ ଏ ମାଆର ଲୁହ - ନାରାୟଣ ଚନ୍ଦ୍ର ସେନାପତି

କିଏ ପୋଛିବ ଏ ମାଆର ଲୁହ - ନାରାୟଣ ଚନ୍ଦ୍ର ସେନାପତି


ଦିଅଁ ଦେବତାଙ୍କ ଆଶୀଷରୁ ଜନ୍ମି
ହସୁଥିଲା ଶିଶୁକନ୍ୟା
କିଏ ଜାଣିଥିଲା ଅଭାବ ନଦୀରେ
ଆସିବ ଯେ ମହାବନ୍ୟା ।
ବାଲ୍ୟ ବିବାହରେ ଛନ୍ଦିହୋଇ ଆସି
ଅଭାବର କଷାଘାତେ
ଦୁଇଓଳି ଖାଦ୍ୟ ତା ପାଇଁ ସପନ
ଭାଗ୍ୟ ଖେଳିଲା ତା ସାଥେ ।
ଜନମ ଦେଲା ସେ ହତଭାଗା ଶିଶୁ
ଦୋଳି ତାର ଭାଗ୍ୟେ କାହିଁ
ମା'ର କାନିରେ ଝୁଲି ଝୁଲି ଖେଳେ
ଖରା ବର୍ଷା ଶୀତ ଖାଇ।
ପେଟ ଚାଖଣ୍ଡେକୁ ଓଦାରଖିବ ସେ
ପାଳିବ ଗେହ୍ଲା ଧନକୁ
ଜଙ୍ଗଲରୁ କାଠ କାଟି ମୁଣ୍ଡେ ବୋହି
ବୁଲେ ସେ ବାର ଦ୍ୱାରକୁ।
କେତେ କଷ୍ଟ ସହି ସମାଜକୁ ଦିଏ
ମାଗଣାରେ ନାଗରିକ
ସେହି ନାଗରିକ ରକ୍ତ ମାଂସ ଦେଇ
ରଖଇ ଦେଶର ଟେକ ।
କେତେ ସଙ୍ଗଠନ ବାହାସ୍ଫୋଟ ମାରି
କୁହନ୍ତି ନାରୀ ନମସ୍ୟା
ତାଦୁଃଖ ବୁଝିବାକୁ କେହିଜଣେ ନାହିଁ
କଲେ ସେ ଶତ ତପସ୍ୟା।
ସମାଜ କଣ୍ଠରୁ ଲମ୍ବା ଭାଷଣକୁ
ଶୁଣେ ସେ ବଜ୍ର କାନରେ
ଫମ୍ପା ମାଟିଆଟା ମିଛରେ କାନ୍ଦୁଛି
ଲୁହ ତା ଆଖିରୁ ଝରେ।
ନାରୀ ଜାଗରଣ ନାରୀ ମହିୟସୀ
ନାରୀଯେ ଦେବୀ ପାର୍ବତୀ
ନାରୀର ଦୁର୍ଦ୍ଦଶା କେତେ ଯେ ବଢୁଛି
ହୃଦୟ ଫାଟି ଯାଉଛି।
ରାଜନେତା ମାନେ ଭାଷନ୍ତି ପ୍ରବଳ
ଦିଶୁନି ଏ ମାଆର ଦୁଃଖ
କିଏ ପୋଛିବ ଏ ମାଆର ଲୁହକୁ
ହେ ବିଧାତା ଆକୁଳେ ଦେଖ।

ନାରାୟଣ ଚନ୍ଦ୍ର ସେନାପତି, ଜମ୍ଭରା, କେନ୍ଦୁଝର

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।