"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ହେ କୈଳାସେଶ୍ଵର - ପ୍ରଫୁଲ୍ଲ ଚନ୍ଦ୍ର ମିଶ୍ର

ହେ କୈଳାସେଶ୍ଵର - ପ୍ରଫୁଲ୍ଲ ଚନ୍ଦ୍ର ମିଶ୍ର


କୈଳାସେଶ୍ଵର ଶିବ ଶଙ୍କର ହେ
ତ୍ରୀଲୋଚନ ତ୍ରୟମ୍ଵକ ପିନାକ ଧର ହେ  ।।

ମହା ଯୋଗୀ ଯୋଗେଶ୍ଵର ଶମ୍ଭୁ ପଶୁପତି
ଭୂତପତି ଭୂତେଶ ହେ ନଟରାଜ ମୁର୍ତ୍ତି
ସଂସାର ମଙ୍ଗଳ କାରି ମହା ମହେଶ୍ଵର
କୈଳାସେଶ୍ଵର……।।

ଶ୍ମଶାନ ଭଷ୍ମ ଭୂଷଣ ହେ  ବିଷ ଭୂଷଣ
ହଳାହଳ ପାନେ ନୀଳକଣ୍ଠ ତୁମ ନାମ
ମଙ୍ଗଳମୟ ମଙ୍ଗଳ ପୁରୁଷ ଈଶ୍ଵର
କୈଳାସେଶ୍ଵର……..।।

ଭକତ ଭାବରେ ଭୋଳା ହର ଦିଗମ୍ଵର
ଯୋଗାରୁଢ ପୁରୁଷ ହେ ଦୟା ଅବତାର
ଅକର୍ମ କର୍ମ ଦାୟକ ହର ମହେଶ୍ଵର
କୈଳାସେଶ୍ଵର……….।।

ଶକ୍ତି ସଂଯୁକ୍ତ ପ୍ରକୃତି ପୁରୁଷ ଆକାର
ଗଳାରେ ଶୋଭିତ ଚମ୍ପା,ଗୟସ ର ହାର
ଲିଙ୍ଗ ରୂପି ଦେବଦେବ ଶ୍ରୀ ଚନ୍ଦ୍ରଶେଖର
କୈଳାସେଶ୍ଵର……… ।।

କପାଳ ମାଳା ରୁଦ୍ରାକ୍ଷ ଗଳେ ବିରୁପାକ୍ଷ
ଜଟାଧାରୀ ଜଟା ଆହା ଜାହ୍ନବୀ ଶୋଭିତ
ପ୍ରଫୁଲ୍ଲ ଭକତି ଘେନାକର , ଗଙ୍ଗାଧର
କୈଳାସେଶ୍ଵର……।।

ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା

0 Comments