OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଏତିକି ଗୁହାରି ମୋ ରଥଯାତରାରେ - ନାରାୟଣ ଚନ୍ଦ୍ର ସେନାପତି

ଏତିକି ଗୁହାରି ମୋ ରଥଯାତରାରେ - ନାରାୟଣ ଚନ୍ଦ୍ର ସେନାପତି


ତୁମର ଟିକିଏ ଅବଢା,ଟିକିଏ ନିର୍ମାଲ୍ୟ,ଟିକିଏ ତୁଳସୀ
ଗଢିପାରେ ସମ୍ପର୍କର ଇତିହାସ
ତୁମର ଟିକିଏ ହସ,ଟିକିଏ ଚାହାଣି,ଟିକିଏ ଆଶୀଷ
ତୋଳିଦିଏ ଆଶା ଭରସାର ତାଜମହଲ ।
ତାଳଧ୍ୱଜରେ ଜ୍ୟେଷ୍ଠଙ୍କୁ ଆଗରେ ବସାଇ
ବିଶ୍ୱକୁ ଦେଲ ଭ୍ରାତୃତ୍ୱ ସମ୍ମାନ
ବାଃ କି ବଡପଣ !
ଦେବଦଳନରେ ଗେହ୍ଲା ଭଉଣୀକୁ ବସାଇ ପଛରେ ରହି
ଦେଲ ଶରଧା ସୁରକ୍ଷା
ଶିଖାଇ ପବିତ୍ର ରକ୍ଷାବନ୍ଧନ
ସତରେ ତୁମେ କି ମହାନ୍ !
ପଛରେ ନନ୍ଦିଘୋଷରେ ଜୀବନର ନନ୍ଦିଘୋଷ ଚଳାଇ
ତୁମେ ସିନା ଖୋଜୁଛ ଦାସିଆ,ସାଲବେଗକୁ
ହେଲେ ମୁଁ ଏକଲୟରେ ଚାହିଁଛି
ପାଇବାକୁ ତୁମର ସାନ୍ନିଧ୍ୟ।
ତୁମ ରୂପ,ତୁମ କଥା,ତୁମ ଗାଥା କହିକହି
ସ୍ୱାମିଜୀ ହୋଇଗଲେ ବିଶ୍ୱବିଜୟୀ
ତୁମ ସହ ପ୍ରତିକ୍ଷଣ ସୃଷ୍ଟିହୁଏ ପର୍ବପର୍ବାଣୀ
ତୁମ ସଂସ୍କୃତି ଭାରତୀୟ ମହାନ ସଂସ୍କୃତି
ତୁମ ଯାତ୍ରା ବିଶ୍ୱପ୍ରସିଦ୍ଧ ରଥଯାତ୍ରା
 ଶାନ୍ତି ମୈତ୍ରୀର ପବିତ୍ର ଘୋଷଯାତ୍ରା।
ଲୋଡାନାହିଁ ବଡପଣ ଷାଠିଏ ପଉଠି ରତ୍ନସିଂହାସନ
ବଡଆଶା ତନ ଧନ ମାନ ସମ୍ମାନ
ଭରିଦିଅ ଭକତର ଥାଳେ ଆଶୀଷ କଲ୍ୟାଣ
*ଏତିକି ଗୁହାରି ମୋ ରଥଯାତରାରେ*
 ହେ ଭଗବାନ
ପୂର୍ଣ୍ଣ କରିବକି ଏକ ଶୂନ୍ୟସ୍ଥାନ?
ତୁମେ ସିନା ମାନ ପାଇଁ ମା ଲକ୍ଷ୍ମୀଙ୍କୁ ଦେଲ ନାହିଁ ସ୍ଥାନ
ହେଲେ ଅଭିମାନ ତେଜି ଘୋଷଯାତ୍ରାରେ କର ଆମନ୍ତ୍ରଣ
ସାଥିରେ ନବ ଦମ୍ପତି ହେଲେ ବିଦ୍ୟମାନ
ସଂସ୍କୃତି ସ୍ୱୟଂ ସମ୍ପୂର୍ଣ୍ଣା ହେବ
ବିଶ୍ୱ ନିଶ୍ଚେ କରିବ ତୁମ ଜୟଗାନ।

ନାରାୟଣ ଚନ୍ଦ୍ର ସେନାପତି
ଜମ୍ଭରା, ଆନନ୍ଦପୁର, କେନ୍ଦୁଝର

0 Comments