ଅମର ପ୍ରେମ - ସିଦ୍ଧେଶ୍ଵର ତ୍ରିପାଠୀ

ଅମର ପ୍ରେମ - ସିଦ୍ଧେଶ୍ଵର ତ୍ରିପାଠୀ


ବାର ବାର ଏଇ ଜୀବନ ବାଟରେ
ବାଣ୍ଟି ହୁଏ ସିନା ଦେହ
ହେଲେ  ଏ ମନର ଗୋଟିଏ ଠିକଣା
ତୁମେ ତାର ପରିଚୟ ।

ଯଉବନ ଗନ୍ଧ ଉକୁଟି ଆସିଲେ
କାମନା ପବନ ବହେ
ତାଳୁଠୁ ତଳିପା ଉଷ୍ମତାରେ ଭରେ
ଅନ୍ଧାରକୁ ଆଖି ଚାହେଁ ।

ମନ ଆଇନାରେ ସାରା ଜୀବନକୁ
ନାଚୁଥାଏ ଗୋଟେ ମୁହଁ
ବାରବାର ଏଇ ଜୀବନ ବାଟରେ
ବାଣ୍ଟି ହୁଏ ସିନା ଦେହ - - - -

ପ୍ରେମତ ଅମର ଥିବ ଚିର ଦିନ
ଲହୁ ଲୁହ ସରିପାରେ
ଫୁଲେଇ ପ୍ରେମୀକା ବଞ୍ଚିବି ମୁଁ ଏକା
ତୁମକୁ ରଖି ମନରେ ।

ତୁମକୁ ଅନେଇ ଜୀବନ ଗଲେବି
ଲାଗିବନି ଟିକେ ଭୟ
ବାରବାର ଏଇ ଜୀବନ ବାଟରେ
ବାଣ୍ଟି ହୁଏ ସିନା ଦେହ - - - - - -

ସିଦ୍ଧେଶ୍ଵର ତ୍ରିପାଠୀ
କବିର ଘର, କୁଣ୍ଡିଲୋ, କେରଙ୍ଗ, ଖୋର୍ଦ୍ଧା

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।