ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଗୋଲାପୀ ଓଠର ହସ - ପ୍ରତିମା ଓଝା

ଗୋଲାପୀ ଓଠର ହସ - ପ୍ରତିମା ଓଝା


ତମ ଗୋଲାପି ଓଠର ହସ
ତହୁଁ ଝରୁଛି ପ୍ରୀତି ପୀୟୂଷ
ରାଗ ରୋଷ ଜମା କର ନାହିଁ ଆଗୋ
ତୁମେ ପାଖକୁ ଟିକିଏ ଆସ !

ତମ ଗୋଲାପି ଓଠର ହସ
ଲାଗେ ଫୁଲଭରା ମଧୁ ମାସ
ମିଠା ମହୁଲିଆ ପ୍ରଣୟ ମଦିରା
ଯେତେ ପିଅ ମେଂଟେ ନାହିଁ ଶୋଷ !

ତୁମ ଗୋଲାପି ଓଠରେ ହସ
ସେ ତ ଲାଗୁଛି ଶ୍ରାବଣ ମାସ
ଝର ଝର ପ୍ରେମ ବରଷା ବରଷେ
ଜମା ହେବ ନାହିଁ ଯିଏ ଶେଷ !

ତୁମ ଗୋଲାପି ଓଠରେ ହସ
ଲାଗେ ଆସିଛି ଆଶ୍ବିନ ମାସ
ନିର୍ମଳ ଗଗନେ ତାରା ସଂଗେ ଜହ୍ନ
ରଚୁଛି ଅସରା ରାସ !

ତୁମ ଗୋଲାପି ଓଠରେ ହସ
ଲାଗେ ହେମଂତ ଋତୁର ସ୍ପର୍ଶ
ପଶମୀ ଚଦର ହେଇ ତନୁ ମନେ
ଖେଳାଅ ଉଷୁମ ଲାସ୍ୟ ।

ତୁମ ଗୋଲାପି ଓଠରେ ହସ
ଲାଖି ରହି ଥାଉ ବର୍ଷ ମାସ
ଛଅ ଋତୁ ଆସି ବିତିଗଲେ ବିତୁ
ସେତ ଚିରଂତନ ମଧୁ ମାସ !

ପ୍ରତିମା ଓଝା, ସିଡିଏ, କଟକ