OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଭକ୍ତି ବନାମ ଭୟ - ସିଦ୍ଧେଶ୍ଵର ତ୍ରିପାଠୀ

ଭକ୍ତି ବନାମ ଭୟ - ସିଦ୍ଧେଶ୍ଵର ତ୍ରିପାଠୀ


ଗୋଟେ ନିର୍ଦିଷ୍ଟ ମାସର
ନିର୍ଦିଷ୍ଟ ବାରରେ
କାହିଁକି ଆସନ୍ତି ଧନଦାତ୍ରୀ !

ତାଙ୍କ ଆଗମନ ପାଇଁ
ଏଇଘରେ କେତେ ପରିବର୍ତ୍ତନ
ଝଡା ଝଡି ଧୁଆ ଲିପା
ଚିତା ପଇତା କେତେକଣ ।

ବିଧିବିଧାନ କେତେଯେ ଫରକ
ଘର ଆଉ ପରିବାର ଦେଖି
ଧୂପ ଦୀପ ଭୋଗରାଗ
ଘଣ୍ଟ ଘଣ୍ଟା ପୂଜା ଆଳତିରେ ।

ହେଲେ ସେ' ଦେବୀ
କେତେବେଳେ ଆସନ୍ତି
କେତେବେଳେ ଯାଆନ୍ତି
କିଏବା ଦେଖିଛି ।

କାଇଁ ହେତୁପାଇଲା
ଦିନଠୁ ଆଜିଯାଏ
ମୁଁ ତ ତାଙ୍କୁ ଦେଖିନି
ହେଲେ କାହିଁକି କେଜାଣି
ତାଙ୍କୁ ଆଉ ତାଙ୍କ ସଉତୁଣୀକୁ
ମଥାଲୋଟା ପ୍ରଣାମ କରିବାକୁ ପଡେ
କାଳେ ଧନ ଆଉ ବିଦ୍ୟା ଉଣା କରିଦେବେ ଦୁହେଁ କୋପରେ ।

ଭକ୍ତିରେ କି ଭାବରେ
ବିଶ୍ୱାସରେ କି  ଭୟରେ
ମୁଁ ଏବେବି ଜାଣିନି
ଜୀବନର ଏଇ ମଧ୍ୟାନ ବେଳାରେ - -  -  -  -

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

0 Comments